തിരുവനന്തപുരം:കൊവിഡ് 19 പശ്ചാത്തലത്തിൽ ജില്ലയിൽ ഇന്നലെ പുതുതായി 1,733 പേർ നിരീക്ഷണത്തിലായി.1,446 പേർ നിരീക്ഷണ കാലയളവ് രോഗലക്ഷണങ്ങളില്ലാതെ പൂർത്തിയാക്കി.രോഗലക്ഷണങ്ങളോടെ 10 പേരെയാണ് ഇന്നലെ ആശുപത്രികളിൽ പ്രവേശിപ്പിച്ചത്.16 പേരെ ഡിസ്ചാർജ് ചെയ്തു.ആകെ 3,924 പേരാണ് ജില്ലയിൽ നിരീക്ഷണത്തിലുള്ളത്. മെഡിക്കൽ കോളേജിൽ 15പേരും ജനറൽ ആശുപത്രിയിൽ ആറ് പേരും പേരൂർക്കട മാനസികാരോഗ്യ കേന്ദ്രത്തിൽ രണ്ട് പേരും എസ്.എ.ടി ആശുപത്രിയിൽ നാല് പേരും വിവിധ സ്വകാര്യ ആശുപത്രികളിൽ 10 പേരും ഉൾപ്പെടെ 37 പേർ ജില്ലയിൽ ആശുപത്രികളിൽ ചികിത്സയിലുണ്ട്. ഇന്നലെ 85 സാമ്പിളുകളാണ് പരിശോധനയ്ക്കായി അയച്ചത്. ഇന്നലെ ലഭിച്ച 68 പരിശോധനാഫലങ്ങൾ നെഗറ്റീവാണ്. വിവിധയിടങ്ങളിലായി നടന്ന വാഹനപരിശോധനയിൽ 11,566 യാത്രക്കാരെ സ്‌ക്രീനിംഗ് നടത്തി.

 ആകെ നിരീക്ഷണത്തിലുള്ളവർ - 3,924

 വീടുകളിൽ നിരീക്ഷണത്തിലുള്ളവർ - 3,687

 ആശുപത്രികളിൽ നിരീക്ഷണത്തിലുള്ളവർ - 37

 കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ - 200

 പുതുതായി നിരീക്ഷണത്തിലായവർ - 1,733