അബുദാബി: യു.എ.ഇയിൽ 624 പേർക്കുകൂടി കൊവിഡ് ബാധിച്ചു. ഇതോടെ രാജ്യത്തെ മൊത്തം രോഗികളുടെ എണ്ണം 17,417 ആയി. 4,295 പേർ രോഗമുക്തി നേടിയിട്ടുണ്ട്. മരണസംഖ്യ 185 ആയി ഉയർന്നു. രണ്ട് മീറ്ററിൽ കുറയാത്ത സാമൂഹിക അകലം പാലിക്കാനും മാസ്‌ക്കുകൾ ധരിക്കാനും തിരക്കേറിയ സ്ഥലങ്ങൾ ഒഴിവാക്കാനും ദേശീയ അണുനശീകരണ പദ്ധതി മാർഗനിർദേശങ്ങൾ കർശനമായി പാലിക്കാനും അബുദാബി പൊലീസ് സോഷ്യൽ മീഡിയ പോസ്റ്റിൽ ആവശ്യപ്പെട്ടു.

മുൻകരുതൽ നടപടികൾ പാലിച്ചില്ലെങ്കിൽ 10,000 ദിർഹം വരെ പിഴ ഈടാക്കുമെന്ന് പൊലീസ് ആവർത്തിച്ചു. എന്നാൽ ജനങ്ങൾ ഇത് ലംഘിക്കുകയാണ്. ഇതാണ് രോഗവ്യാപനത്തിന് ഇടയാക്കുന്നത്.