ചെന്നൈ: കൊവിഡിനെ ഭയന്ന് നാട്ടിലേക്ക് മടങ്ങിയ മലയാളികൾ സഞ്ചരിച്ച ബസിന് പിന്നിൽ ലോറി ഇടിച്ച് മൂന്ന് പേർക്ക് പരിക്ക്. കോട്ടയം, ഇടുക്കി സ്വദേശികളായ 24 പേരാണ് ബസിൽ ഉണ്ടായിരുന്നത്. ബസ് ഡ്രൈവർക്കും. രണ്ട് നഴ്സിംഗ് വിദ്യാർത്ഥിനികൾക്കും സാരമായി പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചു. സേലം കരൂരിലായിരുന്നു അപകടം.

നഴ്സിംഗ് വിദ്യാർത്ഥികളും ഐ.ടി ജീവനക്കാരും ഉൾപ്പെടെയുള്ള സംഘമായിരുന്നു ബസിൽ. കരൂർ ഹൈവേയിൽ ലോറി ഇടറോഡിലേക്ക് പെട്ടെന്ന് തിരിയവേ പിന്നാലെ എത്തിയ ബസ് നിയന്ത്രണംവിട്ട് ഇടിക്കുകയായിരുന്നു. ലോക്ക്ഡൗണിനെ തുടർന്ന് കുടുങ്ങിയ വിദ്യാർത്ഥികളും ഐ.ടി ജീവനക്കാരുമാണ് ബസിൽ ഉണ്ടായിരുന്നത്. പാസ് ലഭിച്ചതിനെ തുടർന്നാണ് ഇവർ കേരളത്തിലേക്ക് തിരിച്ചത്‌