തിരുവനന്തപുരം: കൊവിഡ് 19 പശ്ചാത്തലത്തിൽ ജില്ലയിൽ ഇന്നലെ പുതുതായി 2514 പേർ രോഗനിരീക്ഷണത്തിലായി. 2379 പേർ നിരീക്ഷണ കാലയളവ് രോഗലക്ഷണങ്ങളില്ലാതെ പൂർത്തിയാക്കി. രോഗലക്ഷണങ്ങളുമായി 11 പേരെയാണ് ഇന്നലെ വിവിധ ആശുപത്രികളിൽ പ്രവേശിപ്പിച്ചത്. ഏഴുപേരെ ഡിസ്ചാർജ് ചെയ്‌തു. 3626പേർ വീടുകളിൽ കരുതൽ നിരീക്ഷണത്തിലുണ്ട്. ആകെ 4059 പേരാണ് ജില്ലയിൽ നിരീക്ഷണത്തിലുള്ളത്. തിരുവനന്തപുരം മെഡിക്കൽ കോളേജിൽ 17ഉം ജനറൽ ആശുപത്രിയിൽ എട്ടും പേരൂർക്കട മാനസികാരോഗ്യ കേന്ദ്രത്തിൽ രണ്ടും എസ്.എ.ടി ആശുപത്രിയിൽ അഞ്ചും വിവിധ സ്വകാര്യ ആശുപത്രികളിൽ ഒമ്പതും ഉൾപ്പെടെ 41 പേർ ജില്ലയിലെ ആശുപത്രികളിൽ ചികിത്സയിലുണ്ട്. ഇന്നലെ 76 സാമ്പിളുകൾ പരിശോധനയ്ക്കായി അയച്ചു. ഇന്നലെ ലഭിച്ച 88 പരിശോധനാഫലങ്ങൾ നെഗറ്റീവാണ്. വിവിധയിടങ്ങളിലായി നടത്തിയ വാഹന പരിശോധനയിൽ 12259 യാത്രക്കാരെ സ്‌ക്രീനിംഗ് നടത്തി.