മലപ്പുറം: അന്യ സംസ്ഥാനത്ത് കുടുങ്ങി കിടക്കുന്ന മുഴുവൻ മലയാളികളെയും നാട്ടിലെത്തിക്കണമെന്ന് മുസ്ലീം ലീഗ്. അതിർത്തികളിൽ സ്ഥിതി ദയനീയമാണെന്നും വ്യവസ്ഥാപിത മാർഗങ്ങളിലൂടെ ഇതര സംസ്ഥാനങ്ങളിൽ നിന്നുള്ളവരെ തിരികെ കൊണ്ട് വരണമെന്നും പി.കെ കുഞ്ഞാലിക്കുട്ടി ആവശ്യപ്പെട്ടു.

ലോക് ഡൗൺ ലംഘനത്തിന് യു.ഡി.എഫിനെ നിർബന്ധിക്കരുതെന്ന് പറഞ്ഞ എം.കെ മുനീർ മറ്റു സംസ്ഥാനങ്ങളിൽ നിന്നുള്ളവരെ സ്വാഗതം ചെയ്യാൻ സംസ്ഥാനം തയ്യാറാകണമെന്നും നഴ്സുമാർക്ക് വേണ്ടി വിളക്ക് കത്തിച്ച മുഖ്യമന്ത്രി ഡൽഹിയിൽ കുടുങ്ങിയവരെ തിരിച്ച് കൊണ്ട് വരാൻ നടപടി എടുക്കണമെന്നും ആവശ്യപ്പെട്ടു. കേരളം കർണാടക സർക്കാരിനെ പോലെ മനുഷ്യത്വരഹിതമായി പെരുമാറുന്നുവെന്നും മുനീർ കുറ്റപ്പെടുത്തി.