തിരുവനന്തപുരം:കൊവിഡ് പശ്ചാത്തലത്തിൽ ജില്ലയിൽ ഇന്നലെ പുതുതായി 2147 പേ‌ർ നിരീക്ഷണത്തിലായി. 2095 പേർ നിരീക്ഷണകാലയളവ് പൂർത്തിയാക്കി. ഒൻപത് പേരെ ഇന്നലെ ആശുപത്രിയിൽ പ്രവേശിപ്പിച്ചു. എട്ട് പേരെ ഡിസ്ചാർജ് ചെയ്തു. മെഡിക്കൽ കോളേജിൽ 18 പേരും ജനറൽ ആശുപത്രിയിൽ എട്ട് പേരും പേരൂർക്കട മാനസികാരോഗ്യ കേന്ദ്രത്തിൽ രണ്ട് പേരും എസ്.എ.ടി ആശുപത്രിയിൽ ആറ് പേരും വിവിധ സ്വകാര്യ ആശുപത്രികളിൽ എട്ട് പേരും ഉൾപ്പെടെ 42 പേർ ജില്ലയിൽ ആശുപത്രികളിൽ ചികിത്സയിലുണ്ട്. ഇന്നലെ 80 സാമ്പിളുകളാണ് പരിശോധനയ്ക്ക് അയച്ചത്. ഇന്നലെ ലഭിച്ച 112 പരിശോധനാഫലങ്ങൾ നെഗറ്റീവാണ്. വിവിധ സ്ഥലങ്ങളിൽ നടന്ന വാഹനപരിശോധനയിൽ 7453 യാത്രക്കാരെ സ്‌ക്രീനിംഗ് നടത്തി.

 ആകെ നിരീക്ഷണത്തിലുള്ളവർ - 4,111
 വീടുകളിൽ നിരീക്ഷണത്തിലുള്ളവർ - 3,627
 ആശുപത്രികളിൽ നിരീക്ഷണത്തിലുള്ളവർ - 42
 കോവിഡ് കെയർ സെന്ററുകളിൽ നിരീക്ഷണത്തിലുള്ളവർ - 442
 ഇന്നലെ പുതുതായി നിരീക്ഷണത്തിലായവർ - 2,147