ഹൈദരാബാദ്: കൊവിഡിനെതിരായ വാക്‌സിന്‍ വികസിപ്പിക്കാനുള്ള ശ്രമം തെലങ്കാന തുടങ്ങിയെന്ന് മുഖ്യമന്ത്രി കെ.ചന്ദ്രശേഖര റാവു. തലസ്ഥാനമായ ഹൈദരാബാദിലെ മരുന്നുകമ്പനികള്‍ വാക്‌സിന്‍ വികസിപ്പിക്കാനുള്ള ശ്രമത്തിലാണെന്നും ജൂലായ്-ആഗസ്റ്റ് മാസത്തില്‍ വാക്‌സിന്‍ യാഥാര്‍ഥ്യമാകുമെന്നും ചന്ദ്രശേഖര റാവു പറഞ്ഞു.
പ്രധാനമന്ത്രി വിവിധ സംസ്ഥാനങ്ങളിലെ മുഖ്യമന്ത്രിമാരുമായി നടത്തിയ കൂടിക്കാഴ്ചക്കിടെയാണ് വാക്‌സിന്‍ കണ്ടെത്താനുള്ള ശ്രമങ്ങള്‍ ചന്ദ്രശേഖര റാവു വെളിപ്പെടുത്തിയത്. ഭാരത് ബയോടെക് എന്ന കമ്പനിയാണ് വാക്‌സിന്‍ നിര്‍മാണത്തിനുള്ള ശ്രമങ്ങളില്‍ മുന്നില്‍ നില്‍ക്കുന്നത്. ഇവര്‍ വാക്‌സിന്‍ നിര്‍മാണത്തിലെ പുരോഗതി മുഖ്യമന്ത്രി ചന്ദ്രശേഖര റാവുവിനോട് പങ്കുവെച്ചിരുന്നുവെന്നാണ് വിവരങ്ങള്‍.
.