തിരുവനന്തപുരം: കേരള യൂണിവേഴ്സിറ്റിയുടെ അവസാന സെമസ്റ്റർ ഡിഗ്രി പരീക്ഷകൾ മെയ് 21 മുതൽ ആരംഭിക്കും. പഞ്ചവത്സര എൽ.എൽ.ബി പത്താം സെമസ്റ്റർ പരീക്ഷകൾ ജൂൺ 8നും പഞ്ചവത്സര എൽ.എൽ.ബി അഞ്ചാം സെമസ്റ്റർ പരീക്ഷകൾ ജൂൺ 16ന് തുടങ്ങും. ത്രിവത്സര എൽ.എൽ.ബി ആറാം സെമസ്റ്റർ പരീക്ഷകൾ ജൂൺ 9നാണ് ആരംഭിക്കുക.സി.ബി.സി.എസ്.എസ് ആറാം സെമസ്റ്റർ പരീക്ഷകളും മെയ് 21നാണ് തുടങ്ങുക. വിദൂര വിദ്യാഭ്യാസം അഞ്ച്, ആറ് സെമസ്റ്റർ പരീക്ഷകൾ മെയ് 28ന് ആരംഭിക്കും. വിദ്യാർത്ഥികളുടെ ക്ലേശം കണക്കിലെടുത്ത് പരീക്ഷയ്ക്കായി സബ് കേന്ദ്രങ്ങളും ഒരുക്കുമെന്ന് അധികൃതർ അറിയിച്ചിട്ടുണ്ട്.