തിരുവനന്തപുരം: ലോക്ക് ഡൗണിനെ തുടർന്ന് നാട്ടിലെത്താൻ വാഹനം ഇല്ലാതെ ഇതരസംസ്ഥാനങ്ങളിൽ കുടുങ്ങിക്കിടക്കുന്നവർക്ക് സംസ്ഥാനത്തേക്ക്‌ മടങ്ങാൻ ടൂർ ഓപ്പറേറ്റർമാർ വഴി വാഹനസൗകര്യമൊരുക്കാൻ കേരള ടൂറിസം ഓൺലൈൻ സംവിധാനം തയ്യാറാക്കി. നൂറ്റമ്പതിൽപരം ടൂർ ഓപ്പറേറ്റർമാരുടെ രജിസ്ട്രേഷൻ ഉറപ്പാക്കിയിട്ടുണ്ടെന്ന് ടൂറിസം സെക്രട്ടറി റാണി ജോർജ്‌ അറിയിച്ചു.

www.keralatourism.org ൽ അന്വേഷണം നടത്തി രജിസ്റ്റർ ചെയ്യാം. ആവശ്യാനുസരണമുള്ള വാഹനവും തിരഞ്ഞെടുക്കാം. അവർ ലഭ്യമാക്കുന്ന ആവശ്യവും ബന്ധപ്പെടേണ്ട നമ്പറും അടക്കമുള്ള വിവരം ടൂർ ഓപ്പറേറ്റർക്ക്‌ ടൂറിസംവകുപ്പ് ഇ- മെയിൽ വഴി കൈമാറും.യാത്രക്കാർക്ക്‌ ഓപ്പറേറ്ററെ ബന്ധപ്പെടാനുള്ള ഫോൺ നമ്പറും ലഭ്യമാക്കും. പരസ്പരം ബന്ധപ്പെട്ട് അവർക്ക് യാത്ര സംബന്ധിച്ച വിവരവും യാത്രാക്കൂലിയും നിശ്ചയിക്കാം.

ഈ വാഹന നമ്പർ ഉപയോഗിച്ച് പ്രവാസി യാത്രക്കാർക്ക് യാത്രാപാസിന് അപേക്ഷിക്കാം. ഇതുവരെ രജിസ്റ്റർ ചെയ്തിട്ടില്ലാത്ത ഓപ്പറേറ്റർമാർ https://www.keralatourism.org/to-data-collections/tour-operator/ ൽ രജിസ്റ്റർ ചെയ്യണം