കുവൈറ്റ്: കഴിഞ്ഞ 24 മണിക്കൂറുകൾക്കിടെകുവൈത്തിൽ 991 പേർക്കുകൂടി കൊവിഡ് സ്ഥിരീകരിച്ചു. ഇതോടെ കുവൈറ്റിലെ രോഗികളുടെ എണ്ണം 10277 ആയി. പുതിയ രോഗികളിൽ 356 പേർ ഫർവാനിയ ഗവർണറേറ്റിലെ താമസക്കാരാണ്. ഹവല്ലി ഗവർണറേറ്റ് പരിധിയിൽ താമസിക്കുന്ന 219 പേർക്കും അഹമ്മദിയിൽ നിന്നുള്ള 237 പേർക്കും, കാപിറ്റൽ ഗവർണറേറ്റിൽ 356 പേർക്കും ജഹറയിൽ നിന്നുള്ള 63 പേർക്കുമാണ് ഇന്ന് കൊവിഡ് സ്ഥിരീകരിച്ചത്.

പുതിയ രോഗികളിൽ 300 പേർ ഇന്ത്യക്കാരാണ്. ഇതോടെ കുവൈറ്റിൽ കൊവിഡ് സ്ഥിരീകരിച്ച ഇന്ത്യക്കാരുടെ എണ്ണം 3637 ആയി. ഇന്ന് 10 മരണം കൂടി സ്ഥിരീകരിതോടെ രാജ്യത്തെ കൊവിഡ് മരണസംഖ്യ 75 ആയി. പുതുതായി 194 പേർ കൂടി രോഗമുക്തി നേടി. കൊവിഡ് മുക്തരായവരുടെ എണ്ണം 3101 ആയി. 7101 പേരാണ് ചികിത്സയിലുള്ളത്. ഇതിൽ 158 പേർ തീവ്രപരിചരണ വിഭാഗത്തിലാണ്. 84പേരുടെ നില ഗുരുതരമാണെന്നും ആരോഗ്യമന്ത്രലായം അറിയിച്ചു.