വയനാട്: മദ്യപിച്ച് വാഹനമോടിച്ച കൊവിഡ് സെല്ലിലെ പൊലീസുകാരനെതിരെ കേസ്. വയനാട് കൊവിഡ് കെയർ സെല്ലിലെ എ.എസ്.ഐ മോഹനനെതിരെ പകർച്ചവ്യാധി നിയമപ്രകാരമാണ് കേണിച്ചിറ പൊലീസ് കേസെടുത്തത്. നാട്ടുകാരാണ് എ.എസ്.ഐയുടെ വാഹനം തടഞ്ഞ് പൊലീസിനെ വിവരമറിയിച്ചത്. നാട്ടുകാര്‍ പകര്‍ത്തിയ വീഡിയോയില്‍ ഇയാള്‍ മദ്യപിച്ചതായി പറയുന്നുണ്ടെങ്കിലും പ്രാഥമിക പരിശോധനയില്‍ മദ്യപിച്ചതായി കണ്ടെത്തിയിട്ടില്ലെന്നാണ് പൊലീസ് പറയുന്നത്. രക്ത പരിശോധന ലഭിച്ച ശേഷം തുടര്‍നടപടികള്‍ സ്വീകരിക്കുമെന്ന് പൊലീസ് അധികൃതർ വ്യക്തമാക്കി.