ന്യൂഡൽഹി: കൊവി​ഡി​നുള്ള സുരക്ഷാഉപകരണങ്ങൾ കയറ്റി അയയ്ക്കുന്നതിന്റെ മറവിൽ രാജ്യത്ത് മയക്കുമരുന്നുവ്യാപാരം വൻതോതി​ൽ കൂടാൻ സാദ്ധ്യതയുള്ളതിനാൽ ജാഗ്രത പുലർത്തണമെന്ന് പൊലീസി​നും സുരക്ഷാ ഏജൻസിക്കും സി.ബി.ഐയുടെ മുന്നറി​യി​പ്പ്.

ഇന്റർപോൾ നൽകിയ വിവരത്തിന്റെ അടിസ്ഥാനത്തിലാണ് മുന്നറിയിപ്പ്. 194 രാജ്യങ്ങളിലെ അന്വേഷണ ഏജൻസികൾക്ക് പ്രധാന മയക്കുമരുന്ന് വ്യാപാരികൾ, അവരുടെ പ്രവർത്തനരീതികൾ, നീക്കങ്ങൾ, സങ്കേതങ്ങൾ തുടങ്ങിയ വിവരങ്ങൾ ഉൾക്കൊള്ളുന്ന പർപ്പി​ൾ നോട്ടീസ് ഇന്റർപോൾ നൽകിയിട്ടുണ്ട്.

മയക്കുമരുന്നുവ്യാപാരം നിയന്ത്രിക്കുന്നതിനായി ഇന്റർപോളുമായി സഹകരിച്ച് പ്രവർത്തിക്കുമെന്ന് സി.ബി.ഐ അറിയിച്ചു. ഇപ്പോഴത്തെ അനുകൂല സാഹചര്യം മുതലെടുത്ത് ആശുപത്രികളെ ലക്ഷ്യമാക്കി സൈബർ കുറ്റവാളികൾ രംഗത്തെത്തിയിട്ടുണ്ടെന്നും വ്യാജ കൊ ടെസ്റ്റ് കിറ്റുകൾ വ്യാപകമായി പ്രചരിക്കുന്നുണെന്നും ഇന്റർപോൾ നേരത്തെ മുന്നറിയിപ്പ് നൽകിയിരുന്നു.