ലണ്ടൻ: കൊവിഡ് ബാധിച്ച് ലണ്ടനിൽ പത്തനംതിട്ട റാന്നി സ്വദേശി ഡോ.പൂർണിമ നായർ(56) മരിച്ചു. മിഡിൽസ്‌പ്രോയിലെ നോർത്ത് ഈസ്റ്റ് ആശുപത്രിയിൽ മൂന്നാഴ്ചയായി വെന്റിലേറ്ററിൽ കഴിഞ്ഞുവരികയായിരുന്നു. ഇതോടെ ബ്രിട്ടനിൽ കൊവിഡ് ബാധിച്ച് മരിച്ച മലയാളികളുടെ എണ്ണം 13 ആയി. കൊവിഡ് ബാധിച്ച് ബ്രിട്ടനിൽ പത്ത് ആരോഗ്യപ്രവർത്തകരാണ് മരിച്ചത്.

ബിഷപ്പ് ഓക്ലാൻഡിലെ സ്റ്റേഷൻ ബി മെഡിക്കൽ സെന്ററിലെ ജനറൽ പ്രാക്ടീഷണറായിരുന്നു ഡോ. പൂർണിമ. സന്ദർലാൻഡ് റോയൽ ഹോസ്പിറ്റൽ സീനിയർ സർജൻ ഡോ. ബാലാപുരിയാണ് ഭർത്താവ്. മകൻ വരുൺ. പത്തനംതിട്ടയിൽ നിന്ന് വർഷങ്ങൾക്ക് മുമ്പ് ഡൽഹിയിൽ സ്ഥിരതാമസമാക്കിയതാണ് ഇവരുടെ കുടുംബം