തിരുവനന്തപുരം: ബി.പി.എൽ അന്ത്യോദയ റേഷൻ കാർഡ് ഉടമകൾക്ക് 1000 രൂപ വിതരണം ചെയ്യുന്നതിനുള്ള പുതുക്കിയ ലിസ്റ്റ് അടുത്തയാഴ്ച പ്രസിദ്ധീകരിക്കും. നാഷണൽ ഇൻഫോമാറ്റിക്സ് സെന്റർ കേരളയുടെ സോഫ്ട്‌വെയറിലെ ചില തകരാറുകൾ കാരണം ഗുണഭോക്താക്കളുടെ ലിസ്റ്റിൽ അപാകത കടന്നുകൂടിയതു കാരണമാണ് ലിസ്റ്റ് പുതുക്കുന്നത്. നിലവിൽ റേഷൻ കടകൾക്കും തദ്ദേശ സ്ഥാപനങ്ങൾക്കും അയച്ചുനൽകിയ പട്ടിക റദ്ദാക്കും. അപാകത പരിഹരിച്ചതിനു ശേഷം തുകയുടെ വിതരണം മേയ് 20 മുതൽ ആരംഭിക്കുന്നതായിരിക്കുമെന്ന് ധനമന്ത്രിയുടെ ഓഫീസ് അറിയിച്ചു.