ന്യൂഡൽഹി: കൊവിഡിനെ ഇല്ലാതാക്കാൻ രാജ്യത്ത് ഒരാഴ്ചയ്‌ക്കുള്ളിൽ നാല് പരമ്പരാഗത മരുന്നുകൾ പരീക്ഷിക്കുമെന്ന് ആയുഷ് സഹമന്ത്രി ശ്രീപദ് വൈ നായിക് അറിയിച്ചു. ആയുർവേദം, യോഗ, യുനാനി, സിദ്ധ, ഹോമിയോപ്പതി എന്നീ ചികിത്സാ രീതിയിലാണ് പരീക്ഷണം. നമ്മുടെ പരമ്പരാഗത ചികിത്സാ രീതി ഈ പകർച്ചാവ്യാധിയെ മറികടക്കാനുള്ള വഴി കാണിക്കുമെന്ന് എനിക്ക് ഉറപ്പുണ്ടെന്ന് മന്ത്രി ട്വീറ്റ് ചെയ്തു.

മരുന്നുപരീക്ഷണത്തിന് ആയുഷ് മന്ത്രാലയവും കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച്ചും ഒരുമിച്ചാണ് പ്രവർത്തിക്കുന്നത്. ഒരാഴ്ചയ്ക്കുള്ളിൽ മരുന്നുകളുടെ പരീക്ഷണം ആരംഭിക്കാനാണ് തീരുമാനം. കൊവിഡ് രോഗികൾക്ക് ഒരു ആഡ്ഓൺ തെറാപ്പിയും സ്റ്റാൻഡേഡ് കെയറുമായി ഇവ പരീക്ഷിക്കപ്പെടും.

കൊവിഡ് രോഗമുക്തി നേടിയ രോഗിയുടെ രക്തത്തിൽ നിന്ന് ആന്റിബോഡി അടങ്ങിയ പ്ലാസ്മ എടുക്കുന്ന പ്ലാസ്മ തെറാപ്പി വൈറസിനെതിരെ പോരാടാൻ സഹായിക്കുമെന്ന് ചില ആരോഗ്യ വിദഗ്ദ്ധർ അവകാശപ്പെട്ടിരുന്നു. എന്നാൽ ഈ ചികിത്സയുടെ ഫലപ്രാപ്തി ഇപ്പോഴും അനിശ്ചിതത്വത്തിലാണ്.

The @moayush & the @CSIR_IND are working together on validating four Ayush formulations against #COVID19Pandemic and the trials will start within one week. These formulations will be tried as an add-on therapy and standard care for COVID-19 patients.

— Shripad Y. Naik (@shripadynaik) May 14, 2020