പാലക്കാട്: കള്ളിൽ സ്പിരിറ്റ് ചേർത്തു വിറ്റ രണ്ടുപേർ അറസ്റ്റിൽ. പാലക്കാട് ഒറ്റപ്പാലം പനമണ്ണ അമ്പലവട്ടത്തെ ഷാപ്പിൽ എക്സൈസ് ഇന്റലിജൻസ് നടത്തിയ പരിശോധനയിലാണ് ഏഴു ലിറ്റർ സ്പിരിറ്റും ആയിരം ലിറ്റർ സ്പിരിറ്റ് കലർത്തിയ കള്ളും പിടികൂടിയത്. ഷാപ്പ് നടത്തിപ്പുകാരൻ മനിശേരി സ്വദേശി സോമസുന്ദരൻ, പനമണ്ണ സ്വദേശി ശശികുമാർ എന്നിവരാണ് അറസ്റ്റിലായത്. പിക്കപ് വാനും സംഘം കസ്റ്റഡിയിലെടുത്തു. കള്ളിൽ സ്പിരിറ്റ് കലർത്തുന്നതിനിടെയാണ് എക്സൈസ് സംഘം ഷാപ്പുവളഞ്ഞത്.