തിരുവനന്തപുരം: സംസ്ഥാനത്ത് 18 വരെ മഴതുടരുമെന്ന് കാലാവസ്ഥാ കേന്ദ്രം അറിയിച്ചു. ശക്തമായ ഇടിയും 65 കിലോമീറ്റർ വരെ വേഗത്തിൽ കാറ്റമടിക്കും. മത്സ്യത്തൊഴിലാളികൾ ജാഗ്രതപാലിക്കണം. ഇടിമിന്നൽ മുന്നറിയിപ്പും പുറപ്പെടുവിച്ചിട്ടുണ്ട്. ബംഗാൾ ഉൾക്കടലിന്റെ തെക്കുകിഴക്കൻ തീരത്ത് ന്യൂനമർദ്ദം രൂപമെടുത്തിട്ടുണ്ട്. ഇത് ഇന്ന് ചുഴലിയായി മാറി വടക്കുപടിഞ്ഞാറൻ ദിശയിലടിക്കും. 19 ന് അത് ബംഗാൾ ഉൾക്കടലിന്റെ വടക്കൻ തീരത്ത് ആഞ്ഞടിക്കാനാണ് സാധ്യത. ഇതുമൂലം കേരളത്തിൽ അടുത്ത രണ്ടുദിവസം മഴയും കാറ്റും ഇടിമിന്നലുമുണ്ടാകും. ഒഡിഷ,ആന്ധ്ര തീരങ്ങളിലായിരിക്കും കൂടുതൽ മഴ ലഭിക്കുക.