തിരുവനന്തപുരം: ബംഗാൾ ഉൾക്കടലിൽ രൂപം കൊണ്ട ന്യൂനമർദ്ദം ശക്തി പ്രാപിച്ച് ശനിയാഴ്ച ചുഴലിക്കാറ്റായി മാറാൻ സാദ്ധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. ആദ്യം വടക്ക് പടിഞ്ഞാറ് ദിശയിലുണ്ടാകുന്ന ചുഴലിക്കാറ്റ് പിന്നീട് പടിഞ്ഞാറൻ ബംഗാൾ ഉൾക്കടലിലേക്ക് തിരിയുമെന്നാണ് വിലയിരുത്തൽ. കേരളത്തിൽ പലയിടത്തും ഇടിമിന്നലോടെയുള്ള കനത്ത മഴയും കാറ്റും തുടരും.

ഇതിൻെറ അടിസ്ഥാനത്തിൽ. നാളെ എറണാകുളം, ഇടുക്കി, തൃശൂർ, പാലക്കാട്, ജില്ലകളിലും തിങ്കളാഴ്ച എറണാകുളം, ഇടുക്കി, ആലപ്പുഴ, പാലക്കാട്, തൃശൂർ ജില്ലകളിലും യെല്ലോ അലേർട്ട് പ്രഖ്യാപിച്ചു. ബംഗാൾ ഉൾക്കടലിൽ രൂപം കൊള്ളുന്ന 'അംഫാൻ'ചുഴലിക്കാറ്റിന്റെ സഞ്ചാരപഥത്തിൽ ഇതുവരെ കേരളമില്ലെന്ന് സംസ്ഥാന ദുരന്തനിവാരണ അതോറിട്ടി അറിയിച്ചു.