മുംബയ്: സ്വര്‍ണവില പവന് 34,400 രൂപയായി. 4,300 രൂപയാണ് ഗ്രാമിന് വില. കഴിഞ്ഞദിവസം 34,000 രൂപയായിരുന്നു പവന് വില. മെയ് ഒന്നിലെ വിലയായ 33,400 രൂപയില്‍നിന്ന് 15 ദിവസംകൊണ്ട് വര്‍ദ്ധിച്ചത് 1000 രൂപയാണ്. ആഗോള വിപണിയില്‍ സ്‌പോട്ട് ഗോള്‍ഡ് വില ഔണ്‍സിന് 1,730.56 നിലവാരത്തിലാണ് വ്യാപാരം നടക്കുന്നത്. ദേശീയ വിപണിയില്‍ തുടര്‍ച്ചയായി മൂന്നാമത്തെ ദിവസമാണ് സ്വര്‍ണവില കൂടുന്നത്.
വിവിധ രാജ്യങ്ങളിലെ കേന്ദ്ര ബാങ്കുകളും സര്‍ക്കാരുകളും സാമ്പത്തിക ഉത്തേജക പാക്കേജുകള്‍ പ്രഖ്യാപിക്കുമെന്ന പ്രതീക്ഷയാണ് സ്വര്‍ണവില കുതിക്കാനിടയാക്കയിത്. യു.എസിനും ചൈനയ്ക്കുമിടയില്‍ വര്‍ദ്ധിച്ചുവരുന്ന സമ്മര്‍ദങ്ങളും സ്വര്‍ണത്തിന് ഡിമാൻഡ് കൂട്ടി.
ലോക്ക്ഡൗണ്‍മൂലം കേരളത്തില്‍ എല്ലായിടത്തും ജുവല്ലറികള്‍ തുറന്നിട്ടില്ല. അതുകൊണ്ടുതന്നെ പലയിടങ്ങളിലും ജനങ്ങള്‍ക്ക് ഇടപാട് നടത്തുന്നതിന് സൗകര്യവുമില്ല.