തിരുവനന്തപുരം:കൊവിഡ് വ്യാപനത്തിന്റെ പശ്ചാത്തലത്തിൽ ജില്ലയിൽ ഇന്നലെ പുതുതായി 450 പേർ കൂടി നിരീക്ഷണത്തിലായി.178 പേർ നിരീക്ഷണ കാലയളവ് പൂർത്തിയാക്കി.രോഗലക്ഷണങ്ങളുമായി നാല് പേരെ ഇന്നലെ ആശുപത്രിയിൽ പ്രവേശിപ്പിച്ചു. ഒൻപത് പേരെ ഡിസ്ചാർജ് ചെയ്തു. മെഡിക്കൽ കോളേജിൽ എട്ട് പേരും ജനറൽ ആശുപത്രിയിൽ നാല് പേരും പേരൂർക്കട മാനസികാരോഗ്യ കേന്ദ്രത്തിൽ നാല് പേരും എസ്.എ.ടി ആശുപത്രിയിൽ ഒൻപത് പേരും വിവിധ സ്വകാര്യ ആശുപത്രികളിൽ 13 പേരും ഉൾപ്പെടെ 38പേർ ജില്ലയിലെ ആശുപത്രികളിൽ ചികിത്സയിലുണ്ട്.
ഇന്നലെ 66 സാമ്പിളുകൾ പരിശോധനയ്ക്കായി അയച്ചു. ഇന്നലെ ലഭിച്ച 67 പരിശോധനാഫലങ്ങൾ നെഗറ്റീവാണ്. വിവിധ സ്ഥലങ്ങളിൽ നടന്ന വാഹനപരിശോധനയിൽ 11,760 പേരെ സ്ക്രീനിംഗ് നടത്തി.

 ആകെ നിരീക്ഷണത്തിലുള്ളവർ - 4833
 വീടുകളിൽ നിരീക്ഷണത്തിലുള്ളവർ - 4568
 ആശുപത്രികളിൽ നിരീക്ഷണത്തിലുള്ളവർ - 38
 കോവിഡ് കെയർ സെന്ററുകളിൽ നിരീക്ഷണത്തിലുള്ളവർ - 227
 പുതുതായി നിരീക്ഷണത്തിലായവർ - 450