തി​രുവനന്തപുരം:കൊവിഡിന്റെ സമൂഹവ്യാപനത്തെക്കുറിച്ചറിയാൻ കേരളത്തിൽ ഐ.സി.എം.ആറി​ന്റെ പ്രത്യേക സംഘം പഠനം തുടങ്ങി. പാലക്കാട്, തൃശൂർ, എറണാകുളം ജില്ലകളിൽ നിന്നും 1200 പേരുടെ സാമ്പിളെടുത്ത് റാൻഡം പരിശോധനയാണ് നടത്തുന്നത്. ഓരോ ജില്ലകളിൽ നിന്നും പത്ത് പഞ്ചായത്തുകളെ തെരഞ്ഞെടുത്ത് ഓരോ പഞ്ചായത്തിലെയും 40 പേരിൽ രക്തത്തിലെ ആന്റിബോഡി സാന്നിധ്യമാണ് പരിശോധിക്കുക. നിലവിൽ രോഗലക്ഷണമോ രോഗമോ ഇല്ലാത്തവരെയാണ് പരിശോധനയ്ക്കായി തെരഞ്ഞെടുക്കുക.20 അംഗസംഘമാണ് പരിശോധന നടത്തുന്നത്.ആരോഗ്യവകുപ്പിന്റെയും പ്രാഥമികാരോഗ്യ കേന്ദ്രങ്ങളുടെയും സഹായത്തോടെയാണ് സാമ്പിൾ ശേഖരണം നടത്തുന്നത്.