ന്യൂഡൽഹി: രാജ്യത്ത് ലോക്ക്ഡൗൺ ഈ മാസം മുപ്പത്തൊന്നുവരെ കേന്ദ്രസർക്കാർ നീട്ടി. പുതുക്കിയ ലോക്ക്ഡൗൺ മാർഗനിർദ്ദേശങ്ങൾ അല്പസമയത്തിനുളളിൽ പുറത്തിറങ്ങും. ഇതിലായിരിക്കും ഇളവുകളെക്കുറിച്ച് പറയുക.തീവ്രബാധിത പ്രദേശങ്ങൾ അല്ലാത്തിടത്ത് കാര്യമായ ഇളവുകൾ ഉണ്ടാവും എന്നാണ് കരുതുന്നത്. മുമ്പുള്ളതിൽ നിന്ന് ഏറെ വ്യത്യസ്തമായിരിക്കും 18 മുതൽ തുടങ്ങുന്ന നാലാം ഘട്ട ലോക്ക്ഡൗൺ എന്നാണ് പ്രധാനമന്ത്രി നേരത്തേ സൂചിപ്പിച്ചത്.

മാർച്ച് 25നാണ് രാജ്യവ്യാപകമായി ആദ്യം ലോക്ക്ഡൗൺ പ്രഖ്യാപിച്ചത്. രാജ്യത്തെ അഭിസംബോധന ചെയ്തുകൊണ്ട് ഏപ്രിൽ 14 വരെ പ്രഖ്യാപിച്ച ഒന്നാംഘട്ട ലോക്ക്ഡൗൺ മെയ് മൂന്നിലേക്ക് നീട്ടി. പിന്നീട് മെയ് 17 ലേക്കും നീട്ടുകയായിരുന്നു.കൊവിഡ് പടരുന്ന സാഹചര്യത്തിൽ തമിഴ്നാടും മഹാരാഷ്ട്രയും നേരത്തേ ലോക്ക്ഡൗൺ നീട്ടിയിരുന്നു.