ന്യൂഡൽഹി: ഐ.സി.എം.ആർ കൊവിഡ് പരിശോധന മാനദണ്ഡം പുതുക്കി . രോഗിയുമായി അടുത്ത സമ്പ‍ർക്കത്തിലുള്ളവരെ ലക്ഷണങ്ങളില്ലെങ്കിലും പരിശോധിക്കാനാണ് പുതിയ നിർദ്ദേശം. പനിയും ചുമയുമുള്ള എല്ലാവർക്കും കൊവിഡ് പരിശോധന നടത്തും. ഇത്തരത്തിലുള്ളവർ ആശുപത്രിയിൽ എത്തിയാൽ കൊവിഡ് പരിശോധന നടത്തണം എന്നാണ് പുതിയ നിർദ്ദേശം.
കൊവിഡ് പോസിറ്റീവായ ആളുകളുമായി സമ്പർക്കത്തിൽ വരുന്നവരെ സമ്പർക്കത്തിലായതിന്റെ അഞ്ച് മുതൽ പത്ത് ദിവസത്തിനുള്ളി രോഗ ലക്ഷണങ്ങളില്ലെങ്കിലും പരിശോധിക്കണം എന്നും നിർദ്ദേശമുണ്ട്. ശ്വാസകോശ രോഗങ്ങൾ അലട്ടുന്നവരെയും തീവ്ര ബാധിത മേഖലകളിലുള്ള രോഗലക്ഷണങ്ങൾ പ്രകടിപ്പിക്കുന്നവരെയും പരിശോധനയ്ക്ക് വിധേയമാക്കണമെന്നും പുതുക്കിയ മാനദണ്ഡത്തിൽ പറയുന്നുണ്ട്.