തിരുവനന്തപുരം: ഇംഗ്ലീഷിലും മലയാളത്തിലും വിവരങ്ങൾ ലഭിക്കുന്ന പൊലീസിന്റെ നവീകരിച്ച വെബ്‌സൈ​റ്റ് സംസ്ഥാന പോലീസ് മേധാവി ലോക്‌നാഥ് ബെഹ്റ പ്രകാശനം ചെയ്തു. നിലവിലുള്ള keralapolice.gov.in എന്ന വിലാസത്തിൽ ലഭിക്കുന്ന വെബ്‌സൈ​റ്റ് സ്​റ്റേ​റ്റ് ക്രൈം റിക്കാർഡ്സ് ബ്യൂറോയിലെ സാങ്കേതിക വിദഗ്ദ്ധരാണ് തയ്യാറാക്കിയത്. നവീകരിച്ച വെബ്‌സൈ​റ്റിൽ പൊതുജനങ്ങൾക്കും പൊലീസ് ഉദ്യോഗസ്ഥർക്കും പ്രത്യേക വിഭാഗങ്ങൾ ഏർപ്പെടുത്തിയിട്ടുണ്ട്. പൊലീസ് ഉദ്യോഗസ്ഥർ മാത്രം അറിഞ്ഞിരിക്കേണ്ട വകുപ്പുതല ഉത്തരവുകളും സർക്കുലറുകളും ലോഗിൻ ചെയ്ത് മാത്രമേ കാണാൻ കഴിയൂ. പൊലീസ് ഉദ്യോഗസ്ഥർക്ക് നിലവിലുള്ള യൂസർനെയിമും പാസ്‌വേഡും നൽകി ലോഗിൻ ചെയ്യാം. നിലവിലുള്ള വെബ്‌സൈ​റ്റിലെ വിവരങ്ങൾ പുതിയ വെബ്‌സൈ​റ്റിലേക്ക് പൂർണമായി മാറ്റുന്നതുവരെ പഴയ വെബ്‌സൈ​റ്റ് old.keralapolice.gov.in എന്ന വിലാസത്തിൽ ലഭിക്കും.