തിരുവനന്തപുരം: ഉംപുൻ ചുഴലിക്കാറ്റിന്റെ പ്രഭാവത്തിൽ സംസ്ഥാനത്ത് ഇന്നും നാളെയും ശക്തമായ മഴയുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇടുക്കി,വയനാട്,കോഴിക്കോട്, മലപ്പുറം ജില്ലകളിൽ ശക്തമായ മഴ ലഭിക്കും. തിരുവനന്തപുരം,കൊല്ലം,പത്തനംത്തിട്ട ജില്ലകളിൽ ഒറ്രപ്പെട്ട മഴയ്ക്കും സാദ്ധ്യതയുണ്ട്. മണിക്കൂറിൽ 50 കിലോമീറ്റർ വരെ വേഗതയിൽ കാറ്റിന് സാദ്ധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകരുത്.