ചാവക്കാട്: പ്രായപൂർത്തിയാകാത്ത സ്‌കൂൾ വിദ്യാർത്ഥിയെ പ്രകൃതിവിരുദ്ധ പീഡനത്തിന് ഇരയാക്കിയ കേസിലെ പ്രതി അറസ്റ്റിൽ. ചാവക്കാട് തിരുവത്ര പുത്തൻ കടപ്പുറത്തിൽ താമസിക്കുന്ന കാളിടക്കയിൽ അണ്ണാച്ചി റഷീദ് എന്ന റഷീദിനെയാണ്(48) ചാവക്കാട് പൊലീസ് അറസ്റ്റ് ചെയ്തത്. ലഹരി ഉപയോഗത്തിന് അടിമയായ പ്രതി വിദ്യാർത്ഥിയെ കത്തി കാണിച്ച് ഭയപ്പെടുത്തിയാണ് പ്രകൃതിവിരുദ്ധ പീഡനത്തിന് ഇരയാക്കിയത്.

ദിവസങ്ങളായി ഒളിവിലായിരുന്ന പ്രതി കൊവിഡുമായി ബന്ധപ്പെട്ട് മുഖം മറച്ച് ചാറ്റുകുളത്തുള്ള ഷാപ്പിൽ കള്ള് കുടിക്കാൻ വന്നപ്പോഴാണ് പൊലീസ് അതിസാഹസികമായി പിടികൂടിയത്. ചാവക്കാട് എസ്.എച്ച്.ഒ: അനിൽകുമാർ ടി. മേപ്പിള്ളിയുടെ നേതൃത്വത്തിൽ എസ്‌.ഐമാരായ യു.കെ. ഷാജഹാൻ, കെ.പി. ആനന്ദ്, ടി.എം. കശ്യപൻ, എ.എസ്‌.ഐ: സുനു, സീനിയർ സിവിൽ പൊലീസ് ഓഫീസർ എം.എ. ജിജി, സി.പി.ഒമാരായ പി.കെ. വിപിൻ, ശരത്ത്, മിഥുൻ, സതീഷ്, ജോഷി, വനിതാ സി.പി.ഒ: ഗീത എന്നിവരടങ്ങിയ സംഘമാണ് പ്രതിയെ പിടികൂടിയത്‌. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.