ജയ്‌പൂർ: രാജസ്ഥാനിൽ നിന്നും കേരളത്തിലേക്കുള്ള സ്പെഷ്യൽ ട്രെയിൻ ഉടൻ പുറപ്പെടും. ട്രെയിൻ മറ്റന്നാളാണ് കേരളത്തിൽ എത്തുന്നത്. ജയ്‌പൂർ, ചിറ്റോർഗഡ് എന്നീ സ്റ്റേഷനുകളിൽ നിന്നാണ് യാത്രക്കാരെ കയറ്റുക. ട്രെയിനിൽ കർണാടകയിൽ നിന്നുള്ള നൂറോളം പേരും ഉണ്ടാവും. രാജസ്ഥാൻ സർക്കാർ ആണ് യാത്രയുടെ ചിലവ് വഹിക്കുന്നത്.
വിദ്യാർത്ഥികൾക്കും രാജസ്ഥാനിൽ കുടുങ്ങിയ മലയാളികൾക്കുമായാണ് സ്പെഷ്യൽ നോൺ എ.സി ട്രെയിൻ സർവീസ്. കോഴിക്കോട്, എറണാകുളം, തിരുവനന്തപുരം എന്നിവിടങ്ങളിൽ സ്റ്റോപ്പ്‌ ഉണ്ടാകും. യാത്രക്കാരെ സ്റ്റേഷനിൽ എത്താനായി സഹായിക്കാൻ രാജസ്ഥാൻ സർക്കാർ ജില്ലാ കളക്ടർമാരെ ചുമതലപ്പെടുത്തിയിരുന്നു.