മുംബയ്: കൊവിഡ് ബാധിച്ച് പ്രശസ്ത മറാത്തി സാഹിത്യകാരനും നാടകകൃത്തുമായ രത്നാകർ മത്കാരി (81) മരിച്ചു. കഴിഞ്ഞ ഒരാഴ്ചയായി മുംബയിലെ ആശുപത്രിയിൽ ചികിത്സയിലായിരുന്നു അദ്ദേഹം.മറാത്തിയിലെ കുട്ടികളുടെ നാടക പ്രസ്ഥാനത്തിന് തുടക്കം കുറിച്ചത് രത്നാകർ മത്കാരി ആയിരുന്നു. നിരവധി ബാലസാഹിത്യ കൃതികളുടെ രചിയിതാവുകൂടിയാണ്. രത്നാകറിന്റെ നിര്യാണത്തിൽ മഹാരാഷ്ട്ര മുഖ്യമന്ത്രി ഉദ്ധവ് താക്കറെ അനുശോചിച്ചു. മറാത്തി സാഹിത്യത്തിന് ഏറെ സംഭാവനകൾ നൽകിയ ഒരെഴുത്തുകാരനെയാണ് നമുക്ക് നഷ്ടമായതെന്ന് അദ്ദേഹം അനുശോചന സന്ദേശത്തിൽ പറഞ്ഞു.