ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം അരക്കോടി കടന്നു. 29 ദിവസം കൊണ്ടാണ് 25 ലക്ഷം എന്ന കണക്കിൽ നിന്ന് രോഗ ബാധിതരുടെ എണ്ണം 50 ലക്ഷം കടന്നത്. 5,003,182 പേർക്കാണ് ഇതുവരെ വൈറസ് ബാധിച്ചത്. ലോകത്ത് കൊവിഡ് മരണം 325,218 ആയി.

മൂന്നിൽ ഒന്ന് രോഗികളും ഉള്ള അമേരിക്കലാണ് കൊവിഡ് ഏറ്റവും ആഘാതം ഏൽപ്പിച്ചത്. അമേരിക്കയിൽ മരണം ഒരു ലക്ഷത്തിലേക്ക് അടുക്കുകയാണ്. 1,570,920 രോ​ഗബാധിതരാണ് അമേരിക്കയിൽ ഉള്ളത്.

ബ്രിട്ടൻ, സ്പെയിൻ, ഇറ്റലി എന്നീ രാജ്യങ്ങളിലും രോഗ വ്യാപനം അനിയന്ത്രിതമായി തുടരുകയാണ്. റഷ്യ, ബ്രസീൽ, ഇന്തോനേഷ്യ എന്നിവിടങ്ങളിലാണ് ഇന്ന് ഏറ്റവും കൂടുതൽ പേർക്ക് രോഗം സ്ഥിരീകരിച്ചത്.