തിരുവനന്തപുരം:ബംഗാൾ തീരത്ത്അതി തീവ്ര ചുഴലിക്കാറ്റായി മാറിയ ഉംപുൻ പ്രഭാവത്തിൽ കേരളത്തിന് ആശങ്ക വേണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.

പശ്ചിമ ബംഗാളിലും ഒഡീഷ തീരങ്ങളിലും കാറ്റ് .കടലിൽ നിന്ന് കരയിലേയ്ക്ക് പ്രവേശിക്കുമ്പോൾ തീവ്രത കുറയും.ചുഴലിക്കാറ്റിന്റെ പ്രഭാവത്തിൽ കേരളത്തിൽ വരും ദിവസങ്ങളിൽ ശക്തമായ മഴയ്ക്ക് സാധ്യതയില്ല.ഇനി സാധാരണ ഗതിയിലുള്ള വേനൽ മഴയാണ് ലഭിയ്ക്കുക.

എന്നാൽ ,കേരള തീരത്തും കന്യാകുമാരി,ലക്ഷദ്വീപ് തീരങ്ങളിലും മണിക്കൂറിൽ 45 മുതൽ 55 കി മി വേഗതയിൽ വടക്കു - പടിഞ്ഞാറൻ ദിശയിൽ നിന്ന് ശക്തമായ കാറ്റിന് സാധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകരുതെന്ന മുന്നറിയിപ്പുണ്ട്. .23 വരെ ഇടുക്കി,​വയനാട് ,​തൃശൂർ,​മലപ്പുറം ജില്ലകളിൽ ഇടിയോട് കൂടിയ മഴയ്ക്കും,തിരുവനന്തപുരം,​കൊല്ലം,​ആലപ്പുഴ,​കോട്ടയം എന്നീ ജില്ലകളിൽ ഒറ്റപ്പെട്ട മഴയ്ക്കും സാധ്യതയുണ്ട് .