ന്യൂഡൽഹി: ആഭ്യന്തര വിമാനസർവീസുകൾക്ക് എയർപോട്ട് അതോറിറ്റി ഒഫ് ഇന്ത്യ മാർഗരേഖ പുറത്തിറക്കി. എല്ലായാത്രക്കാരും വിമാനം പുറപ്പെടുന്നതിന് രണ്ടുമണിക്കൂർ മുമ്പ് വിമാനത്താവളത്തിൽ എത്തണം.യാത്രക്കാർക്ക് മാസ്കും ഗ്ലൗസും നിർബന്ധമാണ്. സ്വന്തം വാഹനമോ, അല്ലെങ്കിൽ തെരെഞ്ഞെടുക്കപ്പെട്ട ടാക്‌സി, പൊതു ഗതാഗത സംവിധാനങ്ങളെ മാത്രമേ വിമാനത്താവളത്തിലേക്ക് പ്രവേശിക്കാനായി അനുവദിക്കൂ. 80 വയസ് കഴിഞ്ഞവർക്ക് യാത്ര അനുവദിക്കില്ല.

എല്ലാ യാത്രക്കാരും തെർമൽ സ്‌ക്രീനിലൂടെ കടന്ന് പോകണം. വിമാനത്താവളത്തിൽ ട്രോളികൾ അനുവദിക്കില്ല. ലെഗേജുകളും അണുവിമുക്തമാക്കും. വിമാനത്തവാളത്തിൽ സാമൂഹിക അകലം പാലിച്ച് മാത്രമേ ഇരിക്കാൻ അനുവദിക്കൂ.യാത്രക്കാർക്ക് ആരോഗ്യ സേതു ആപ്പ് നിർബന്ധമാണ്. വിമാനത്താവളത്തിലെ സുരക്ഷാ ജീവനക്കാർ ഇക്കാര്യം പരിശോധിച്ച് ഉറപ്പ് വരുത്തണം. ആരോഗ്യ സേതുവിൽ ഗ്രീൻ മോഡ് അല്ലാത്തവർക്ക് വിമാനത്താവളത്തിൽ പ്രവേശനം ഉണ്ടായിരിക്കില്ല. എന്നാൽ 14 വയസിന് താഴെ ഉള്ള കുട്ടികൾക്ക് ആരോഗ്യസേതു നിർബന്ധമല്ല

രണ്ടുമാസമായി നിറുത്തിവച്ചിരുന്ന ആഭ്യന്തര യാത്രാവിമാന സർവീസ് തിങ്കളാഴ്ചമുതലാണ് പുനരാരംഭിക്കുന്നത്.ഘട്ടംഘട്ടമായിട്ടായിരിക്കും ഇത്.