കാഠ്മണ്ഡു : ആറ് മണിക്കൂറിനിടെ നേപ്പാളിൽ ഇരട്ട ഭൂചലനങ്ങൾ. ഇടത്തരം തീവ്രത അനുഭവപ്പെട്ട ചലനങ്ങളാണ് ഉണ്ടായതെന്ന് നാഷണൽ സീസ്മോളജിക്കൽ സെന്റർ അറിയിച്ചു. ചലനങ്ങളെ തുടർന്ന് ആളപായമോ നാശനഷ്ടമോ രേഖപ്പെടുത്തിയിട്ടില്ല. ഇന്ന് പുലർച്ചെ 2.45 ഓടെ പടിഞ്ഞാറൻ നേപ്പാളിലെ ദർച്ചുല ജില്ലയിലാണ് ആദ്യ ചലനം അനുഭവപ്പെട്ടത്. റിക്ടർ സ്കെയിലിൽ 3 രേഖപ്പെടുത്തി.

തുടർന്ന് രാവിലെ 8.14 ഓടെ കാഠ്മണ്ഡുവിൽ നിന്നും കിഴക്ക് 15 കിലോമീറ്റർ അകലെയുള്ള ഭക്താപ്പൂർ ജില്ലയിൽ റിക്ടർ സ്കെയിൽ 3.4 രേഖപ്പെടുത്തിയ ചലനവുമുണ്ടായി. ഭക്താപ്പൂരിൽ അനന്തലിംഗേശ്വർ മേഖലയായിരുന്ന ചലനത്തിന്റെ പ്രഭവ കേന്ദ്രം. കാഠ്മണ്ഡു നഗരത്തിനും സമീപ പ്രദേശങ്ങളിലും നേരിയ തോതിൽ ഭൂചലനങ്ങളുടെ പ്രകമ്പനം അനുഭവപ്പെട്ടു.