തിരുവനന്തപുരം:ജില്ലയ്ക്ക് ആശ്വാസമായി ഇന്നലെ ആർക്കും കൊവിഡ് ബാധ സ്ഥിരീകരിച്ചില്ല. പുതുതായി 417 പേർ കൂടി രോഗനിരീക്ഷണത്തിലായി. 570പേർ നിരീക്ഷണ കാലയളവ് പൂർത്തിയാക്കി. 5,288 പേരാണ് ജില്ലയിൽ ആകെ നിരീക്ഷണത്തിലുള്ളത്.രോഗലക്ഷണങ്ങളുമായി ഇന്നലെ 17പേരെ കൂടി ആശുപത്രികളിൽ പ്രവേശിപ്പിച്ചു. 14 പേരെ ഡിസ്ചാർജ് ചെയ്തു. വിവിധ ആശുപത്രികളിലായി 64 പേർ നിരീക്ഷണത്തിലുണ്ട്.136 സാമ്പിളുകൾ പരിശോധനയ്ക്കായി അയച്ചു. ഇന്നലെ ലഭിച്ച 96 പരിശോധനാഫലങ്ങൾ നെഗറ്റീവാണ്. വിവിധ സ്ഥലങ്ങളിലായി നടന്ന വാഹനപരിശോധനയിൽ 14,487 പേരെ സ്ക്രീനിംഗ് നടത്തി.

 ആകെ നിരീക്ഷണത്തിലുള്ളവർ - 5,288
 വീടുകളിൽ നിരീക്ഷണത്തിലുള്ളവർ - 4,589
 ആശുപത്രികളിൽ നിരീക്ഷണത്തിലുള്ളവർ - 64
 കൊവിഡ് കെയർ സെന്ററുകളിൽ നിരീക്ഷണത്തിലുള്ളവർ - 635
 ഇന്നലെ പുതുതായി നിരീക്ഷണത്തിലായവർ - 417