തിരുവനന്തപുരം:സംസ്ഥാനത്ത് 27വരെ ശക്തമായ മഴയ്ക്ക് സാദ്ധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. 26 വരെ പത്തനംതിട്ട, ആലപ്പുഴ, ഇടുക്കി, മലപ്പുറം,കോഴിക്കോട്, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്നലെ തിരുവനന്തപുരം ഉൾപ്പെടെ ആറ് ജില്ലകളിൽ ശക്തമായ മഴ ലഭിച്ചു.

ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 മുതൽ 115.5 എം.എം വരെ മഴ ലഭിക്കും.മലയോര മേഖലകളിൽ മണ്ണിടിച്ചിൽ ഉണ്ടാകും. ജനങ്ങൾ ജാഗ്രത പുലർത്തണം.

തെക്ക് -കിഴക്ക് അറബിക്കടലിലും മാലദ്വീപിലും ലക്ഷ്വദ്വീപ് മേഖലയിലും 40 മുതൽ 50 കി. മി. വരെ വേഗത്തിൽ ശക്തമായ കാറ്റിന് സാധ്യതയുണ്ട്. മത്സ്യ തൊഴിലാളികൾ കടലിൽ പോകരുത്.