ന്യൂയോർക്ക് : അമേരിക്കയ്ക്ക് ഇപ്പോൾ കൂടുതൽ പ്രാർത്ഥന ആവശ്യമുള്ള സമയമായതിനാൽ ആരാധനാലയങ്ങൾ തുറക്കുവാൻ സ്റ്റേറ്റ് ഗവർണർമാർ ഉടനടി നടപടി സ്വീകരിക്കണമെന്ന് പ്രസിഡന്റ ഡൊണാൾഡ് ട്രംപ് ആവശ്യപ്പെട്ടു. ഗവർണർമാർ ആരാധനാലയങ്ങൾ ഈയാഴ്ച തന്നെ തുറക്കുന്നതിൽ അമാന്തം കാട്ടിയാൽ പ്രസിഡന്റ് എന്ന നിലയിൽ താൻ ഇടപെടുമെന്നും ട്രംപ് വ്യക്തമാക്കി.

ആരാധനാലയങ്ങൾ അവശ്യസേവനത്തിൽ ഉൾപ്പെടും.ഗർഭഛിദ്ര ക്ലിനിക്കുകളും, മദ്യഷാപ്പുകളും അവശ്യസേവനമായി കണക്കാക്കുമ്പോൾ എന്തുകൊണ്ട് ആരാധനാലയങ്ങളെ ഒഴിവാക്കി. അത് ശരിയായ നടപടിയല്ലെന്നും ആ തെറ്റ് തിരുത്തണമെന്നും ട്രംപ് ആവശ്യപ്പെട്ടു.