ആറ്റിങ്ങൽ: വലിയകുന്ന് ഗവ.താലൂക്കാശുപത്രിയിൽ ആരംഭിച്ച "ടെലിമെഡിസിൻ" പദ്ധതി ആറ്റിങ്ങൽ നഗരസഭാ ചെയർമാൻ എം. പ്രദീപ് ഉദ്ഘാടനം ചെയ്തു. 65 വയസിനു മുകളിൽ പ്രായമുള്ളവർക്കും ഗർഭിണികൾക്കും 10 വയസിൽ താഴെയുള്ള കുട്ടികൾക്കുമാണ് മുൻഗണന. രോഗികളോ രോഗലക്ഷണമുള്ളവരോ കൂടാതെ ആരോഗ്യപരമായ സംശയങ്ങൾക്കോ ഡോക്ടറുമായി 8848826969 എന്ന നമ്പറിലൂടെ 3 മിനിട്ട് സംസാരിക്കാം. ഡോക്ടർ നിർദ്ദേശിക്കുന്ന മരുന്ന് ആശാവർക്കർമാർ,​ വോളന്റിയർമാർ മുഖേന രോഗികളുടെ വീട്ടിൽ എത്തിക്കുന്നതാണ് പദ്ധതി. ടെലിമെഡിസിൻ സംവിധാനത്തിനായി സ്മാർട്ട് ഫോൺ ആറ്റിങ്ങൽ വിശ്വാസ് മെഡിക്കൽസ് ഉടമ അനിലാണ് സംഭാവന ചെയ്തത്. ആശുപത്രി സൂപ്രണ്ട് ഡോ. ജസ്റ്റിൻ ജോസ്, ടെലിമെഡിസിൻ ഹോസ്പിറ്റൽ ഇൻചാർജ് ഡോ. വിജയകുമാർ നഗരസഭാ ആരോഗ്യകാര്യ സ്റ്റാൻഡിംഗ് കമ്മിറ്റി ചെയർമാൻ അവനവഞ്ചേരി രാജു, ഹെൽത്ത്‌ സൂപ്പർവൈസർ ബി. അജയകുമാർ, നഗരസഭാ സൂപ്രണ്ട് രാജേഷ്, ഡോ. ബിന്ദു എന്നിവർ പങ്കെടുത്തു.