തിരുവനന്തപുരം: ലോകമെമ്പാടുമുള്ള കേരളീയർക്ക് ഗവർണർ ആരിഫ് മുഹമ്മദ് ഖാൻ ഈദുൽ ഫിത്തർ ആശംസ നേർന്നു. റംസാൻ വ്രതവും ഈദുൽ ഫിത്തറും നമുക്ക് നൽകുന്നത് ഒരു മഹനീയ സന്ദേശമാണ്. അതിൽ ത്യാഗത്തിന്റെയും ദാനത്തിന്റെയും മഹത്വവും അനുകമ്പയുടെയും ആത്മ നിയന്ത്റണത്തിന്റെയും പ്രാധാന്യവും ഒത്തുചേരുന്നു. ഒരുമയുടെയും കാരുണ്യത്തിന്റെയും ദിവ്യപ്രകാശം റംസാൻ മാസത്തിൽ മാത്രമല്ല, എക്കാലവും നമ്മെ നയിക്കട്ടെയെന്നും കൊറോണയെ പ്രതിരോധിക്കാനുള്ള അനുഗ്രഹമുണ്ടാകട്ടെയെന്നും ഗവർണർ സന്ദേശത്തിൽ പറഞ്ഞു.