ന്യൂഡൽഹി: കരാർ പ്രകാരമുള്ള റാഫേൽ യുദ്ധവിമാനങ്ങൾ ഇന്ത്യയ്ക്ക് ഉടൻ കൈമാറുമെന്ന് ഫ്രഞ്ച് അംബാസിഡർ ഇമ്മാനുവൽ ലിനെയ്ൻ വ്യക്തമാക്കി. 36 റാഫേൽ വിമാനങ്ങൾ വാങ്ങുന്നതിനായി 58,000 കോടി രൂപയുടെ കരാർ 2016ൽ ലാണ് ഇന്ത്യ ഫ്രാൻസുമായി ഒപ്പുവച്ചത്, കരാർ പ്രകാരം ആദ്യ റാഫേൽ യുദ്ധ വിമാനം പ്രതിരോധമന്ത്രി രാജ്നാഥ് സിംഗ് കഴിഞ്ഞ ഒക്ടോബറിൽ ഫ്രാൻസിലെത്തി ഏറ്റുവാങ്ങി.

നാല് വിമാനങ്ങളാണ് രണ്ടാമതായി എത്തുന്നത്, ഹരിയാനയിലെ അംബാല വ്യോമത്താവളത്തിലാകും ഇവയെ വിന്യസിക്കുക, കൊവിഡിന്റെ പശ്ചാത്തലത്തിൽ വിമാനങ്ങൾ കൈമാറുന്നത് വൈകുമെന്ന് റിപ്പോർട്ടുകളുണ്ടായിരുന്നു. ഇതിനെ തള്ളിയാണ് ഇമ്മാനുവൽ രംഗത്തെത്തിയിരിയ്ക്കുന്നത്. എത്തുന്നവയിൽ ആദ്യബാച്ചിലെ നാലെണ്ണത്തിൽ മൂന്നെണ്ണം ഇരട്ട സീറ്റുള്ളവയാണ്. വിമാനം പറത്തുന്നതിന് ആദ്യഘട്ടത്തിൽ ഏഴ് പൈലറ്റുമാർക്കാണ് പരിശീലനം നൽകിയിരിക്കുന്നത്.