തിരുവനന്തപുരം: കൊവിഡ് നിയന്ത്രണത്തിൽ സർക്കാരിന് മുന്നറിയിപ്പുമായി ഇന്ത്യൻ മെഡിക്കൽ അസോസിയേഷൻ. സംസ്ഥാനത്തേക്ക് തിരിച്ച് വരുന്നവരുടെ എണ്ണം നിയന്ത്രിക്കണമെന്നും. തീവ്ര ബാധിത മേഖലകളിൽ നിന്ന് വരുന്നതിന് നിയന്ത്രണം ഏ‍‌ർപ്പെടുത്തണമെന്നും ഐ.എം.എ സർക്കാരിനോട് ആവശ്യപ്പെട്ടു.

രോഗവുമായി ബന്ധപ്പെട്ട പഠനങ്ങൾ നടത്തുന്നില്ലെന്ന് ചൂണ്ടിക്കാട്ടുന്ന ഐ.എം.എ കൊവിഡ് പ്രതിരോധവുമായി ബന്ധപ്പെട്ട 9 ആവശ്യങ്ങൾ ഉന്നനയിച്ച് കൊണ്ടാണ് സർക്കാരിന് കത്ത് നൽകിയിരിക്കുന്നത്.

വീടുകളിലെ നിരീക്ഷണത്തിൽ പാളിച്ചയുണ്ടെന്നും സർക്കാർ നിരീക്ഷണം ഉറപ്പാക്കണമെന്നും ഐ.എം.എ ആവശ്യപ്പെട്ടു. സംസ്ഥാനത്ത് കൊവിഡ് പരിശോധനകളുടെ എണ്ണം വർദ്ധിപ്പിക്കണമെന്നും ആരോഗ്യപ്രവർത്തകർക്ക് രോഗബാധ സ്ഥിരീകരിക്കുന്നതിൽ ആശങ്കയുണ്ടെന്നും ഐ.എം.എ സർക്കാരിന് നൽകിയ കത്തിൽ വ്യക്തമാക്കുന്നു.