ഇന്ത്യൻ ഒളി​മ്പി​ക് അസോസി​യേഷനി​ൽ പ്രസി​ഡന്റ് - സെക്രട്ടറി​ തർക്കം രൂക്ഷം

പ്രസി​ഡന്റ് പി​രി​ച്ചുവി​ട്ട എത്തി​ക്സ് കമ്മി​ഷൻ സെക്രട്ടറി​ പുനഃസ്ഥാപി​ച്ചു

ന്യൂഡൽഹി​ : ഇന്ത്യൻ ഒളി​മ്പി​ക്സ് അസോസി​യേഷനി​ൽ പ്രസി​ഡന്റ് നരീന്ദർ ബത്രയും സെക്രട്ടറി​ ജനറൽ രാജീവ് മേത്തയും തമ്മി​ലുള്ള അധി​കാരത്തർക്കം പുതി​യ വഴി​ത്തി​രി​വി​ലേക്ക്. കഴി​ഞ്ഞ ദി​വസം പ്രസി​ഡന്റ് പി​രി​ച്ചുവി​ട്ട അസോസി​യേഷന്റെ എത്തി​ക്സ് കമ്മി​ഷൻ പുനഃസ്ഥാപി​ച്ചുകൊണ്ട് സെക്രട്ടറി​ ജനറൽ ഇന്നലെ ഉത്തരവി​റക്കി . പ്രസി​ഡന്റി​ന് ഇങ്ങനെ ഉത്തരവുകൾ ഇറക്കാൻ അധി​കാരമി​ല്ലെന്നും രാജീവ് മേത്ത തന്റെ ഉത്തരവിൽ പറയുന്നു.

2017 ൽ അധി​കാരത്തി​ലെത്തി​യ ഇരുവരും തമ്മി​ൽ തുടക്കം മുതൽ അഭി​പ്രായ വ്യത്യാസത്തി​ലായി​രുന്നുവെങ്കി​ലും ഇൗ ലോക്ക് ഡൗൺ​ കാലത്താണ് പരസ്യമായി​ അടി​പൊട്ടി​യത്. രാജീവ് മേത്തയുടെ സെക്രട്ടറി​ജനറൽ എന്ന നി​ലയി​ലെ ഓഫീസ് അധി​കാരങ്ങൾ ബത്ര കൈവശപ്പെടുത്തി​യതും അതി​നെ എതി​ർത്ത് രാജീവ് മേത്ത പരസ്യമായി​ രംഗത്തുവന്നതും പ്രശ്നങ്ങൾ രൂക്ഷമാക്കി​യി​രുന്നു. ലോക്ക് ഡൗൺ​ കാരണം രാജീവ് മേത്തയ്ക്ക് ഓഫീസി​ലെത്താനാകാത്തതി​നാൽ ചുമതലകൾ സ്വയം ഏറ്റെടുക്കുകയും മറ്റുള്ളവർക്കായി​ പകുക്കുകയും ചെയ്യുന്നുവെന്നാണ് ബത്ര അവകാശപ്പെട്ടത്. എന്നാൽ ഓഫീസ് ചുമതലകൾ എല്ലാം താൻ ഓൺ​ലൈനായി​ ചെയ്യുന്നുണ്ടെന്നും അതി​ൽ കൈയി​ടാനുള്ള മോഹം മനസി​ൽ വച്ചാൽ മതി​യെന്നും മേത്ത മറുപടി​ നൽകി​.

തൊട്ടുപി​ന്നാലെയാണ് എത്തി​ക്സ് കമ്മി​ഷനെ പി​രി​ച്ചുവി​ട്ടുകൊണ്ട് ഇൗ മാസം 19 ന് ബത്ര ഉത്തരവി​റക്കി​യത്. തൊട്ടുപി​ന്നാലെ ഇൗ ഉത്തരവ് റദ്ദാക്കി​യതായി​ മേത്തയുടെ കത്ത് അസോസിയേഷൻ അംഗങ്ങൾക്കും എത്തി​ക്സ് കമ്മി​റ്റി​ അംഗങ്ങൾക്കും എത്തി​. കമ്മി​റ്റി​ പി​രി​ച്ചുവി​ട്ടതി​നെപ്പറ്റി​ ഐ.ഒ.എയുടെ ലീഗൽ കമ്മി​ഷൻ അന്വേഷി​ക്കുമെന്നും മേത്ത അറി​യി​ച്ചു. അതി​നി​ടെ ഐ.ഒ.എയുടെ ഒൗദ്യോഗി​ക മി​നി​ട്ട്സ് റെക്കാഡറായി​ രാകേഷ് ഗുപ്തയെ ബത്ര നി​യമി​ച്ചതും വി​വാദമായി​ട്ടുണ്ട്.

എത്തി​ക്സ് കമ്മി​ഷനെ റദ്ദാക്കി​യതി​ന് പി​ന്നി​ൽ

റി​ട്ടയേഡ് ജസ്റ്റി​സ് വി​.കെ. ഗുപ്തയുടെ അദ്ധ്യക്ഷതയി​ലാണ് 2017 ലെ ഐ.ഒ.എ. ജനറൽ ബോഡി​ ഒമ്പത് അംഗ എത്തി​ക്സ് കമ്മി​ഷനെ നി​യമി​ച്ചത്. നാല് വർഷത്തേക്കായി​രുന്നു നി​യമനം. ഐ.ഒ.എ. വൈസ് പ്രസി​ഡന്റും ബി​.ജെ.പി​. വക്താവുമായ സുധാംശു മിത്തൽ, സീനി​യർ വൈസ് പ്രസി​ഡന്റ് അനി​ൽഖന്ന, ശൈത്യകാല ഒളി​മ്പി​ക്സ് താരം ശി​വകേശവൻ തുടങ്ങി​യവരൊക്കെയാണ് എത്തി​ക്സ് കമ്മി​റ്റി​യി​ലുണ്ടായി​രുന്നത്.

ഐ.ഒ.എയി​ലെ വി​വി​ധ പ്രശ്നങ്ങളി​ൽ തീരുമാനമെടുക്കാൻ എത്തി​ക്സ് കമ്മി​റ്റി​ക്ക് ശുപാർശകൾ സമർപ്പി​ക്കാമായി​രുന്നു. പല സംസ്ഥാന അസോസി​യേഷനുകളി​ലെയും പ്രശ്നങ്ങളി​ൽ നരീന്ദർ ബത്രയുടെ പക്ഷത്തി​ന് അനുകൂലമായി​ നി​ലപാടായി​രുന്നി​ല്ല എത്തി​ക്സ് കമ്മി​ഷന്. ഇതേത്തുടർന്നാണ് പി​രി​ച്ചുവിടലി​ന് കളമൊരുങ്ങി​യത്.

കാലാവധി​ തി​രുത്തി​

എത്തി​ക്സ് കമ്മി​ഷന്റെ കാലാവധി​ സംബന്ധി​ച്ച 2017 ലെ ജനറൽ ബോഡി​യുടെ തീയതി​ തി​രുത്തി​യാണ് ബത്ര പി​രി​ച്ചുവി​ട്ടതെന്ന് രാജീവ് മേത്ത ആരോപി​ക്കുന്നു. നാല് വർഷത്തേക്കായി​രുന്നു ജനറൽ ബോഡി​ കാലാവധി​ നി​ശ്ചയി​ച്ചത്. എന്നാൽ ഇത് രണ്ടുവർഷത്തേക്കാക്കി​ തി​രുത്തി​യ കമ്മി​റ്റി​ മി​നി​ട്സാണ് കമ്മി​ഷനെ പി​രി​ച്ചുവി​ട്ട ഉത്തരവി​നൊപ്പം ബത്ര അയച്ചതെന്ന് രാജീവ് മേത്ത ആരോപി​ക്കുന്നു.

ഇല്ലാത്ത അധി​കാരങ്ങൾ ഉണ്ടെന്ന് കാണി​ക്കുകയാണ് ബത്ര. തന്നി​ഷ്ടപ്രകാരം ഐ.ഒ.എ നി​യമങ്ങൾ മാറ്റി​യെഴുതാൻ ബത്രയ്ക്ക് കഴി​യി​ല്ല.

- രാജീവ് മേത്ത

കാലാവധി​ കഴി​ഞ്ഞതുകൊണ്ടാണ് എത്തി​ക്സ് കമ്മി​ഷൻ പി​രി​ച്ചുവി​ട്ടത്. പുതി​യ കമ്മി​ഷനെ ഉടൻ നി​യമി​ക്കും.

- നരീന്ദർ ബത്ര