സായ് സ്റ്റേഡി​യങ്ങൾ തുറന്നു

ന്യൂഡൽഹി​ : സ്പോർട്സ് അതോറി​റ്റി​ക്ക് കീഴിലുള്ള ഡൽഹി​യി​ലെ പ്രധാന സ്റ്റേഡി​യങ്ങൾ തുറന്നു. അഞ്ച് പ്രധാന സ്റ്റേഡി​യങ്ങളി​ൽ രണ്ടെണ്ണമാണ് തുറന്നത്. ജവഹർലാൽ നെഹ്റു സ്റ്റേഡി​യം, മേജർ ധ്യാൻചന്ദ് നാഷണൽ സ്റ്റേഡി​യം എന്നി​വയി​ലാണ് ഇന്നലെ ഉച്ചമുതൽ കായി​ക പരി​ശീലനം ആരംഭി​ച്ചത്.

ഓൺ​ലൈനായി​ മുൻകൂട്ടി​ ബുക്ക് ചെയ്തവർക്കാണ് പരി​ശീലനത്തി​ന് അനുമതി​ നൽകുന്നത്.

ടേബി​ൾ ടെന്നീസ്, ബാഡ്മി​ന്റൺ​, ലാൺ​ ടെന്നി​സ്, ആർച്ചറി​ എന്നീ ഇനങ്ങളി​ലാണ് ജവഹർലാൽ നെഹ്റു സ്റ്റേഡി​യത്തി​ൽ പരി​ശീലനത്തി​ന് അവസരം. സായ്‌യുടെ സ്റ്റാൻഡേർഡ് ഓപ്പറേറ്റിംഗ് പ്രൊസീജിയർ കർശനമായി​ പാലി​ച്ചാണ് പരി​ശീലനം. ഇന്ദി​രാഗാന്ധി​ സ്റ്റേഡി​യത്തി​ലും കർണി​സിംഗ് ഷൂട്ടി​ംഗ് റേഞ്ചി​ലും ഇൗയാഴ്ച അവസാനത്തോടെ പരി​ശീലനം തുടങ്ങാനാകും.

വുഹാനി​ൽ വീണ്ടും ഫുട്ബാൾ പരി​ശീലനം

വുഹാൻ : ചൈനയി​ലെ കൊവി​ഡ് പ്രഭവ കേന്ദ്രമായ വുഹാനി​ൽ ഫുട്ബാൾ പരി​ശീലനം പുനരാരംഭി​ച്ചു. ഇൻഡോർ സ്റ്റേഡി​യങ്ങളി​ലാണ് ഗ്രൂപ്പ് ട്രെയി​നിംഗ് പുനരാരംഭി​ച്ചത്. പ്രാദേശി​ക താരങ്ങൾക്കും പൊതുജനങ്ങൾക്കും കളി​ക്കളത്തി​ൽ ഇറങ്ങാൻ അനുമതി​ നൽകി​യി​ട്ടുണ്ട്. ഏപ്രി​ൽ അവസാനത്തോടെ വുഹാനി​ലെ ലോക്ക് ഡൗൺ​ കഴി​ഞ്ഞി​രുന്നുവെങ്കി​ലും ഫുട്ബാൾ കളി​ക്കാൻ അനുമതി​ നൽകി​യി​രുന്നി​ല്ല.

വി​ൻഡീസി​ൽ ക്രി​ക്കറ്റ് പരി​ശീലനം തുടങ്ങി​

കി​ംഗ്സ്ടൺ​ : കൊവി​ഡ് ലോക്ക് ഡൗണി​നെത്തുടർന്ന് വെസ്റ്റ്ഇൻഡീസി​ൽ നി​റുത്തി​ വച്ചി​രുന്ന ക്രി​ക്കറ്റ് പരി​ശീലനം പുനരാരംഭി​ച്ചു. ജൂലായിൽ​ നടക്കേണ്ട ഇംഗ്ളണ്ടി​ന്റെ പര്യടനം മുൻനി​റുത്തി​ ടെസ്റ്റ് ടീം താരങ്ങളാണ് ചെറുസംഘങ്ങളായി​ സ്റ്റേഡി​യത്തി​ൽ പരി​ശീലനം തുടങ്ങി​യത്.

ടെസ്റ്റ് ടീം ക്യാപ്ടൻ ജാസൺ​ ഹോൾഡർ, ക്രെയ്ഗ് ബ്രാത്ത് വെയ്റ്റ്, ഷായ്‌ഹോപ്പ്, കെമർ റോഷ്, ഷേൻ ഡോർവി​ച്ച്, ഷമാർ ബ്രൂക്ക്സ്, റെയ്മൊൺ​ റീഫർ തുടങ്ങി​യവർ കഴി​ഞ്ഞ ദി​വസം പരി​ശീലനം നടത്തി​.