തിരുവനന്തപുരം: ജാമ്യമില്ലാത്ത വകുപ്പുകൾ പ്രകാരം അറസ്​റ്റിലാകുന്നവരെ കോടതിയിൽ ഹാജരാക്കുന്നതിനു മുൻപ് ഇനി പൊലീസ് സ്‌​റ്റേഷനിൽ കൊണ്ടുവരില്ല.

തിരുവനന്തപുരത്തും കണ്ണൂരും അറസ്​റ്റിലായവർക്ക് കൊവിഡ് സ്ഥിരീകരിച്ച പശ്ചാത്തലത്തിലാണ് ​ സംസ്ഥാന പൊലീസ് മേധാവി ലോക് നാഥ് ബെഹ്റ ഇത് സംബന്ധിച്ച മാർഗ്ഗനിർദ്ദേശങ്ങൾ പുറപ്പെടുവിച്ചത്..

ഇത്തരത്തിൽ അറസ്​റ്റിലാകുന്നവരെ എത്തിക്കുന്നതിന് സബ് ഡിവിഷണൽ ഡി​റ്റെൻഷൻ കം പ്രൊഡക്ഷൻ സെന്ററായി ഉപയോഗിക്കുന്നതിനുള്ള കെട്ടിടം ജില്ലാ പൊലീസ് മേധാവിയും ഡിവൈ.എസ്.പിയും ചേർന്ന് കണ്ടെത്തണം. അല്ലെങ്കിൽ ഡിവൈ.എസ്.പിയുടെ ഓഫീസ് ഉപയോഗിക്കണം. ഡിവൈ.എസ്.പിക്ക് അടുത്ത പൊലീസ് സ്‌​റ്റേഷനോ, വസതിയോ കേന്ദ്രമാക്കി പ്രവർത്തിക്കണം
അറസ്​റ്റിന് ശേഷമുള്ള വൈദ്യപരിശോധന കഴിഞ്ഞ് കു​റ്റവാളിയെ ഈ കേന്ദ്റത്തിൽ കൊണ്ടുവരുന്നതിൽ . പരമാവധി കുറച്ച് പൊലീസ് ഉദ്യോഗസ്ഥരേ പങ്കാളികളാകാവൂ. ഇത്തരം കേന്ദ്റങ്ങളിൽ ജനറൽ ഡയറി സൂക്ഷിക്കും. ഒരു സബ് ഇൻസ്‌പെക്​ടറെയും നിയോഗിക്കും. കു​റ്റവാളിക്ക് കൊവിഡ് സ്ഥിരീകരിക്കുന്ന സാഹചര്യത്തിൽ, ഈ കേന്ദ്റത്തിലെ എസ്.ഐക്കും അറസ്​റ്റിനും തുടർനടപടികൾക്കും നേതൃത്വം നൽകിയ പൊലീസുകാർക്കും മാത്റമേ നിരീക്ഷണത്തിൽ പോകേണ്ടിവരൂ..