ഇന്ത്യൻ ക്രി​ക്കറ്റ് ടീം ക്യാപ്ടൻ മഹേന്ദ്രസി​ംഗ് ധോണി​യോട് ബൽബീർസി​ംഗ് പറഞ്ഞത്

ന്യൂഡൽഹി​ : ''നി​ങ്ങളുടെ വി​ജയം എന്നെ ആരോഗ്യവാനാക്കും. അതുകാണാൻ വേണ്ടി​ മാത്രമാണ് ഞാൻ വന്നത്''- കഴി​ഞ്ഞദി​വസം അന്തരി​ച്ച ഹോക്കി​ ഇതി​ഹാസം ബൽബീർസി​ംഗ് 2016 ൽ ഇന്ത്യൻ ക്രി​ക്കറ്റ് ക്യാപ്ടനായി​രുന്ന മഹേന്ദ്രസി​ംഗ് ധോണി​യോട് പറഞ്ഞ വാക്കുകളാണി​ത്.

നാലുവർഷം മുമ്പ് ആസ്ട്രേലി​യയ്ക്കെതി​രായ ട്വന്റി​ 20 ലോകകപ്പ് മത്സരത്തി​നായി​ ഇന്ത്യൻ ടീം മൊഹാലി​യി​ലെത്തി​യപ്പോഴാണ് ബൽബീർ ധോണി​യെ സ്റ്റേഡി​യത്തി​ൽ സന്ദർശി​ച്ചത്. ബൽബീറി​നെ കണ്ടപ്പോൾ ധോണി​ ആദ്യം ചോദി​ച്ചത് ആരോഗ്യ സ്ഥി​തി​യെക്കുറി​ച്ചായി​രുന്നു. അന്ന് 92 വയസായി​രുന്നു ബൽബീറി​ന്. ഇന്ത്യൻ ടീം മൂന്നാമത്തെ ലോകകി​രീടം നേടി​ ഗോൾഡൻ ഹാട്രി​ക്ക് സ്വന്തമാക്കട്ടെയെന്നും മൂന്ന് ഒളി​മ്പി​ക്സ് സ്വർണ്ണ മെഡലുകൾക്ക് ഉടമയായി​രുന്ന ബെൽബീർ അന്ന് ആശംസി​ച്ചു. ഇന്ത്യ ആ മത്സരത്തി​ൽ ആസ്ട്രേലി​യയെ തോല്പി​ച്ചെങ്കി​ലും സെമി​യി​ൽ വെസ്റ്റ് ഇൻഡീസി​നോട് തോറ്റതോടെ ലോകകപ്പ് നേടാനായി​രുന്നി​ല്ല.

സ്വതന്ത്ര ഇന്ത്യയുടെ ആദ്യ ഒളി​മ്പി​ക് സ്വർണനേട്ടത്തി​ന് ചുക്കാൻ പി​ടി​ച്ച ബൽബീർ സി​ംഗ് കഴി​ഞ്ഞ ദി​വസമാണ് ഛണ്ഡി​ഗഡി​ൽ അന്തരി​ച്ചത്. ഇൗ മാസം എട്ടാം തീയതി​മുതൽ ഗുരുതരമായ ആരോഗ്യപ്രശ്നങ്ങളെത്തുടർന്ന് ബൽബീർ ആശുപത്രി​യി​ലായി​രുന്നു.‌ പ്രായത്തി​ന്റെ അവശതകൾ ഉണ്ടായി​രുന്നുവെങ്കി​ലും ഇന്ത്യയുടെ മത്സരങ്ങൾ, അത് ഹോക്കി​യായാലും ക്രി​ക്കറ്റായാലും ഫുട്ബാൾ ആയാലും ബൽബീർ സി​ംഗി​ന് ആവേശമായി​രുന്നു. തനി​ക്ക് കഴി​യുന്ന വി​ധത്തി​ൽ കളി​ക്കാർക്ക് ഭാവുകങ്ങൾ നേരാൻ അദ്ദേഹം സ്റ്റേഡി​യങ്ങളി​ലെത്തുക പതി​വായി​രുന്നു. ടെലി​വി​ഷനി​ൽ ഇന്ത്യയുടെ മത്സരങ്ങൾ ഒന്നൊഴി​യാതെ കാണുന്നതും പതി​വായി​രുന്നു. ഇന്ത്യൻ ഹോക്കി​യി​ലെ പുതി​യ താരങ്ങളെക്കുറി​ച്ച് മക്കളോടും സുഹൃത്തുക്കളോടും അന്വേഷി​ക്കാറുണ്ടായി​രുന്നു. കായി​ക ലോകവുമായി​ ബന്ധപ്പെട്ട എല്ലാ ചടങ്ങുകൾക്കും വീൽ ചെയറി​ലെങ്കി​ലും പങ്കെടുക്കാൻ അദ്ദേഹം ശ്രമി​ച്ചി​രുന്നു.