തിരുവനന്തപുരം: പ്രവാസികൾ ക്വാറന്റൈൻ ചെലവ് സ്വന്തമായി വഹിക്കണമെന്ന മുഖ്യമന്ത്രിയുടെ നിലപാട് മനുഷ്യത്വരഹിതമായ നടപടിയാണെന്ന് മുൻ മുഖ്യമന്ത്രി ഉമ്മൻ ചാണ്ടി പറഞ്ഞു. ഇത് പ്രവാസികളോടുള്ള അവഹേളനവും കേരളീയർക്ക് അപമാനവുമാണ്. നമ്മുടെ നാടിന്റെ സമ്പദ്ഘടനയുടെയും സമൃദ്ധിയുടെയും അടിത്തറ പ്രവാസികൾ കെട്ടിയുണ്ടാക്കിയതാണ്.

കൊവിഡ് മൂലം ജോലിയും ശമ്പളവും നഷ്ടപ്പെട്ട് സ്വന്തമായി ടിക്കറ്റെടുത്ത് സാമ്പത്തികമായി തകർന്നത് അവർ തിരിച്ചുവരുന്നത്. അവർക്ക് എല്ലാവിധ പിന്തുണയും നൽകാൻ സർക്കാരിനും സമൂഹത്തിനും ഉത്തരവാദിത്വമുണ്ട്. പ്രവാസികളോട് കാട്ടുന്ന ഈ ക്രൂരമായ സമീപനത്തിൽ മാറ്റം വരുത്തണം. അവരിൽ നിന്ന് ക്വാറന്റൈൻ തുക ഈടാക്കാനുള്ള തീരുമാനം പുനഃപരിശോധിക്കണം-ഉമ്മൻ ചാണ്ടി ആവശ്യപ്പെട്ടു.