ധാക്ക: ബംഗ്ലാദേശിൽ ആശുപത്രിയിലുണ്ടായ തീപിടിത്തത്തിൽ അഞ്ച് കൊവിഡ് 19 രോഗികൾ മരിച്ചു. ധാക്കയിലെ യുണൈറ്റഡ് ഹോസ്പിറ്റലിലെ കൊവിഡ് ഐസൊലേഷൻ യൂണിറ്റിലാണ് അഗ്നിബാധ ഉണ്ടായത്. അപകട കാരണം വ്യക്തമല്ല. നാല് പുരുഷൻമാരും ഒരു സ്ത്രീയുമാണ് മരിച്ചത്. 45നും 75നും ഇടയിൽ പ്രായമുള്ളവരാണ് മരിച്ചത്. തീപിടിത്തത്തിന്റെ ഫലമായി ഐസൊലേഷൻ യൂണിറ്റ് പൂർണമായും കത്തി നശിച്ചു. നിലവിൽ 40,321 കൊവിഡ് രോഗികളാണ് ബംഗ്ലാദേശിലുള്ളത്. 559 പേർ മരിച്ചു. രാജ്യത്തെ കൊവിഡ് ആശുപത്രികളെല്ലാം തന്നെ ഇതിനോടകം നിറഞ്ഞു കവിഞ്ഞിരിക്കുകയാണ്. വരും ദിവസങ്ങളിൽ രോഗികളുടെ എണ്ണം രാജ്യത്ത് ഇനിയും ഉയരുമെന്നാണ് ആരോഗ്യ വിദഗ്ധരുടെ മുന്നറിയിപ്പ്.