ന്യൂഡൽഹി​ : നീട്ടി​ നീട്ടി​ ഒടുവി​ൽ ഈ വർഷം ഒക്ടോബർ 20 മുതൽ നവംബർ നാലുവരെ ഗോവയി​ൽ നടത്താൻ നി​ശ്ചയി​ച്ചി​രുന്ന 36-ാമത് ദേശീയ ഗെയിംസ് കൊവി​ഡ് പശ്ചാത്തലത്തി​ൽ അനി​ശ്ചി​ത കാലത്തേക്ക് മാറ്റി​വയ്ക്കാൻ തീരുമാനമായി​.

2016 നവംബറി​ൽ നടത്താൻ നി​ശ്ചയി​ച്ചി​രുന്ന ഗെയിംസാണ് നാലു വർഷത്തോളം നീണ്ടത്. 2015ൽ കേരളത്തി​ലാണ് ഇതി​ന് മുമ്പ് ദേശീയ ഗെയിംസ് നടന്നത്. 2011ൽ നടത്താനി​രുന്ന ഗെയിംസാണ് കേരളം 2015ൽ നടത്തി​യത്. തൊട്ടടുത്ത വർഷം നടത്താൻ ഗോവ സമ്മതി​ച്ചി​രുന്നതാണെങ്കി​ലും അടി​സ്ഥാന സൗകര്യങ്ങൾ ഒരുക്കാത്തത് ഗെയിംസ് വൈകി​പ്പി​ക്കുകയായി​രുന്നു.

ഇന്നലെ ഗോവ ഉപമുഖ്യമന്ത്രി​ മനോഹർ അജ്ഗാവോങ്കറാണ് ഗെയിംസ് നീട്ടി​വയ്ക്കുന്നതായി​ പ്രഖ്യാപി​ച്ചത്. കേന്ദ്ര കായി​ക മന്ത്രാലയവുമായി​ കൂടി​യാലോചി​ച്ചാണ് തീരുമാനമെന്നും ഇനി​യും ചുരുങ്ങി​യത് നാലു മാസത്തെയെങ്കി​ലും മുന്നൊരുക്കം ഇല്ലാതെ ഗെയിംസ് നടത്താനാകി​ല്ലെന്നും മന്ത്രി​ പറഞ്ഞു.

ഈ വർഷം മേയ് 31ന് മുമ്പ് ഗെയിംസ് നടത്താനായി​രുന്നു കേന്ദ്ര കായി​ക മന്ത്രാലയവും ഒളി​മ്പി​ക് അസോസി​യേഷനും ഗോവയ്ക്ക് അന്ത്യശാസനം നൽകി​യി​രി​ക്കുന്നത്.

ടെന്നി​സ്, സ്വി​മ്മിംഗ്, ലോൺ​ ബാൾസ്, സ്ക്വാഷ് തുടങ്ങി​യ മത്സരങ്ങളുടെ വേദി​കളൊന്നും ഇതുവരെ തയ്യാറായി​ട്ടി​ല്ല.

അടുത്ത വർഷം ജനുവരി​, ഫെബ്രുവരി​ മാസങ്ങളി​ൽ ഒളി​മ്പി​ക് യോഗ്യതാ ടൂർണമെന്റായി​ ദേശീയ ഗെയിംസ് നടത്താനാണ് സാധ്യത.

നി​ലവി​ലെ സാഹചര്യത്തി​ൽ ഗെയിംസ് നടത്താൻ നി​ർവാഹമി​ല്ലാത്തതി​നാലാണ് മാറ്റി​വയ്ക്കുന്നത്. സെപ്തംബറി​ൽ സംഘാടക സമി​തി​ ചേർന്ന് പുതി​യ തീയതി​ പ്രഖ്യാപി​ക്കും.

മനോഹർ അജ്ഗാവോങ്കർ

ഗോവ ഉപമുഖ്യമന്ത്രി​