മലപ്പുറം: ജില്ലയിലെ താനൂരിൽ കിണറിടിഞ്ഞ് രണ്ടുപേർ മണ്ണിനടിയിലായി. ഉപ്പളം സ്വദേശികളായ വേലായുധൻ, അച്യുതൻ എന്നിവരാണ് അപകടത്തിൽപ്പെട്ടത്. വീടിനോട് ചേർന്ന് പുതിയ കിണർ കുഴിക്കുന്നതിനിടെ രാവിലെ ഒൻപതോടെയാണ് അപകടം ഉണ്ടായത്.നാലുപേരാണ് പണിക്കുണ്ടായിരുന്നത്. രണ്ടുപേർ കിണറിനകത്തും മറ്റ് രണ്ടുപേർ പുറത്തുമായിരുന്നു. ജോലിചെയ്തു കൊണ്ടിരിക്കെ കിണറിന്റെ മുകൾഭാഗം ഇടിഞ്ഞ് മണ്ണ് കിണറ്റിലേക്ക് വീഴുകയായിരുന്നു. ഫയർഫോഴ്‍സും പൊലീസും നാട്ടുകാരും ചേർന്ന് രക്ഷാപ്രവർത്തനം ആരംഭിച്ചു.