തിരുവനന്തപുരം: മദ്യവിൽപ്പനയ്ക്ക് സർക്കാർ ഏർപ്പെടുത്തിയ ക്രമീകരണങ്ങൾ പാലിക്കപ്പെടുന്നില്ലെന്ന് റിപ്പോർട്ട്.കണ്ണൂരിൽ ക്വാറന്റൈൻ കേന്ദ്രമായ ഹോട്ടലിന്റെ ബാർ തുറന്നപ്പോൾ കോട്ടയത്ത് ടോക്കണില്ലാതെയും മദ്യം വിൽക്കുകയായിരുന്നു.

കോട്ടയം നഗരത്തിലെ ബാറിലാണ് അനധികൃത മദ്യ വിൽപ്പന. സാമൂഹിക അകലം പോലും പാലിക്കാതെ നിരവധി പേരാണ് മദ്യത്തിനായി ക്യൂനിന്നത്. വാർത്ത പുറത്തുവന്നതോടെ എക്സൈസ് സംഘം ബാറിലെത്തി വിൽപ്പന നിറുത്തിയശേഷം സ്റ്റോക്കുകൾ പരിശോധിച്ചു.

കണ്ണൂരിലാണ് ക്വാറന്റൈൻ കേന്ദ്രമായ ഹോട്ടലിൽ ബാർ തുറന്നത്.ജില്ലാ കളക്ടർ ബാർ തുറക്കാൻ അനുവാദം നൽകിയെന്നാണ് ബാറുടമ പറയുന്നത്. ഡപ്യൂട്ടി കമ്മീഷണറുടെയും ഡിഎംഒയുടെയും ശുപാർശ പ്രകാരം ശാരീരിക അകലം പാലിച്ചുകൊണ്ടാണ് മദ്യം വിതരണം ചെയ്യുന്നതെന്ന് ജില്ലാ കളക്ടർ ടിവി സുഭാഷ് പറയുന്നത്.