തിരുവനന്തപുരം:മൂന്ന് പതിറ്റാണ്ടുനീണ്ട അദ്ധ്യാപക ജീവിതത്തിന് ശേഷം സെന്റ്. ജോസഫ്സ് ഹയർ സെക്കൻഡറി സ്കൂളിലെ പ്രഥമാദ്ധ്യാപകൻ ജോസഫ് സാർ വിരമിച്ചു. ഒരേ വിദ്യാലയത്തിൽ 30 വർഷം അദ്ധ്യാപകൻ, ​നാല് വർഷം പ്രഥമാദ്ധ്യാപകൻ എന്ന നേട്ടവുമായാണ് അദ്ദേഹം പടിയിറങ്ങുന്നത്. സംസ്ഥാന, ​ദേശീയ തലത്തിൽ നിരവധി നേട്ടങ്ങൾ സ്കൂൾ കൈവരിച്ചത് ഇദ്ദേഹത്തിന്റെ നേതൃത്വത്തിലാണ്. എൻ.സി.സി,​ എസ്.പി.സി,​ സ്കൗട്ട് തുടങ്ങിയ പ്രവർത്തനങ്ങളിൽ സ്കൂൾ മുന്നിലെത്തിയതിന്റെ പിന്നിലെ ചാലകശക്തി ജോസഫ് സാർ ആയിരുന്നു. കോട്ടയം കടനാട് സ്വദേശിയാണ്. കോളേജ് ഒഫ് അപ്ലൈഡ് സയൻസിലെ എച്ച്.ഒ.ഡി ഡാലി ജോണാണ് ഭാര്യ. മക്കൾ: നിത്യാ ജോസ്,​നിഖിൽ ജോസ്.