baby

പാലക്കാട്: ബക്കറ്റിലെ വെള്ളത്തിൽ വീണ് പിഞ്ചു കുഞ്ഞിന് ദാരുണാന്ത്യം. പതിനൊന്ന് മാസം പ്രായമായ മുഹമ്മദ് നിസാൻ ആണ് മരിച്ചത്. പാലക്കാട് ചാലിശ്ശേരി മണാട്ടിൽ വീട്ടിൽ മുഹമ്മദ് സാദിക്കിന്റെ മകനാണ്. കുളിമുറിയിലെ ബക്കറ്റ് വെള്ളത്തിൽ കുട്ടി തലകീഴായി കിടക്കുന്നത് അമ്മയാണ് ആദ്യം കണ്ടത്.

ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുട്ടിയുടെ പിതൃ സഹോദരൻ ഇൻഡോറിൽ നിന്നെത്തി കൊവിഡ് രോഗബാധിതനായി ചികിത്സയിലാണ്. ഇയാളുടെ കൂടെ വന്ന കുട്ടിയുടെ പിതാവ് വീട്ടിൽ നിരീക്ഷണത്തിലാണ്. മൃതദേഹം തൃശ്ശൂർ മെഡിക്കൽ കോളേജ് ആശുപത്രി മോർച്ചറിയിലാണുള്ളത്. കൊവിഡ് ടെസ്റ്റിനായി കുട്ടിയുടെ സ്രവം പരിശോധനയ്ക്ക് അയച്ചു. ഫലം വന്നതിന് ശേഷമായിരിക്കും പോസ്റ്റമോർട്ടം നടത്തുകയെന്ന് പൊലീസ് അറിയിച്ചു.